بالی وڈ اداکارہ انوشکا شرما پردۂ سمیں پر ہندستانی خواتین کرکٹ ٹیم کی سابق کپتان جھولن گوسوامی کا کردار نبھا سکتی ہیں۔

ممبئی (ایجنسی) : بالی وڈ اداکارہ انوشکا شرما پردۂ سمیں پر ہندستانی خواتین کرکٹ ٹیم کی سابق کپتان جھولن گوسوامی کا کردار نبھا سکتی ہیں۔ 
 بالی ووڈ میں آج کل کھلاڑیوں کی بایوپک بنانے کا رجحان زوروں پر ہے ۔ رنویر سنگھ کی ’83‘ اور شاہد کپور کی ’جرسی‘ کے بعد اب انوشکا شرما بھی کرکٹ پر مبنی فلم میں دکھائی دے سکتی ہیں۔ انہوں نے جھولن گوسوامی کا کردار نبھانے کا ارادہ کرلیا ہے اور ان دنوں اپنے کردار کیلئے تیاری کررہی ہیں جس کیلئے وہ کرکٹ کی ٹریننگ لے رہی ہیں۔ انہیں ہندستانی کرکٹر جیمیما روڈرکس کے والد ایوان روڈرکس اور کوچ پرشانت شیٹی ٹریننگ دے رہے ہیں۔ گزشتہ ایک سال سے انوشکا شرما نے کسی فلم کا اعلان نہیں کیا ہے۔ ان کی آخری فلم ۲۰۱۸ء میں آئی فلم ’زیرو‘ تھی۔ انوشکا کا کہنا تھا کہ وہ اب اس مقام پر پہنچ گئی ہیں جہاں اپنے حساب سے فلم چن سکیں۔ وہ صرف وقت گزارنے کیلئے فلمیں نہیں کرنا چاہتیں۔ ان کاکہنا تھا کہ وہ صرف دلچسپ اسکرپٹ پر فوکس کررہی ہیں۔