بالی ووڈ اداکار آیوشمان کھرانا کا کہنا ہے کہ وہ ایسی فلموں کا انتخاب کرتے ہیں جنہیں پورا خاندان سب کے ساتھ بیٹھ کر دیکھ سکے۔ آیوشمان کھررانا نے بالی ووڈ میں اپنی خاص شناخت بنا لی ہے۔

ممبئی : بالی ووڈ اداکار آیوشمان کھرانا کا کہنا ہے کہ وہ ایسی فلموں کا انتخاب کرتے ہیں جنہیں پورا خاندان سب کے ساتھ بیٹھ کر دیکھ سکے۔ آیوشمان کھررانا نے بالی ووڈ میں اپنی خاص شناخت بنا لی ہے۔ انہوں نے حالیہ برسوں میں کئی سپر ہٹ فلموں میں مختلف کردار نبھائے ہیں۔ اپنی فلموں کے انتخاب کے فارمولے کی وضاحت کرتے ہوئے انہوں نے کہا ’’میں ہمیشہ ایسی فلموں کا انتخاب کرتا ہوں جسے پورا خاندان ساتھ بیٹھ کر دیکھ سکے۔‘‘  آیوشمان کھرانا نے کہا ’’ایک اداکار کی حیثیت سے میں زیادہ سے زیادہ لوگوں تک پہنچنا اور ان کی تفریح ​​کرنا پسند کروں گا۔ میں ایسی فلموں کا انتخاب کرتا ہوں جسے گھر کے سبھی افراد ساتھ بیٹھ کر دیکھ سکیں ۔ ایک فنکار کی حیثیت سے شائقین کو آپ کی فلموں سے لطف اندوز ہونا بہت اہمیت کا حامل ہوتا ہے۔ فلم دیکھنے کے بعد سامعین جب اپنے ساتھ کوئی پیغام لے کر جاتےہیں تو یہ اور بھی اچھا ہوتا ہے۔‘‘