بالی ووڈ اداکارہ دپیکا پڈوکون کی آنے والی فلم چھپاک ان دنوں پوری طرح سرخیوں میں ہے۔ اب مدھیہ پردیش اور چھتیس گڑھ حکومت نے ایسڈ حملے پر مبنی فلم چھپاک کو ٹیکس فری کرنے کا اعلان کیا ہے۔

 ممبئی : بالی ووڈ اداکارہ دپیکا پڈوکون کی آنے والی فلم چھپاک ان دنوں پوری طرح سرخیوں میں ہے۔ اب مدھیہ پردیش اور چھتیس گڑھ حکومت نے ایسڈ حملے پر مبنی فلم چھپاک کو ٹیکس فری کرنے کا اعلان کیا ہے۔مدھیہ پردیش کے وزیراعلیٰ کمل ناتھ نے اس تعلق سے ٹویٹ بھی کیا ہے۔وزیراعلیٰ کمل ناتھ نے جمعرات کو ٹویٹ کرکے کہا ہے کہ’’ دپیکا پڈوکون کی اداکاری سے سجی فلم تیزاب حملہ کی متاثرہ کی کہانی پر مبنی فلم ’چھپاک‘ جو ۱۰؍جنوری کو ملک بھر کے سنیما گھروں میں ریلیز ہورہی ہے اس کو مدھیہ پردیش میں ٹیکس فری کرنے کا اعلان کرتا ہو۔
 وزیراعلیٰ کمل ناتھ آگے کہتے ہیں کہ یہ فلم سماج میں ایسڈ اٹیک سے متاثر ہونے والی خواتین کے تعلق سےایک مثبت پیغام دینے کے ساتھ اس متاثرہ کے ساتھ خوداعتمادی، جدوجہد، امید اور جینے کے جذبہ کی کہا نی پر مبنی ہے اور ایسے معاملات میں سماج کی  سوچ میں تبدیلی لانے کے پیغام پر مبنی ہے۔
 واضح رہے کہ اداکارہ دپیکا پڈوکون کی فلم ’چھپاک‘ ۱۰؍جنوری کو ریلیز ہونے والی ہے۔ ایسے میں فلم کی ریلیز میں زیادہ وقت نہیں بچا ہے۔ اس فلم میں تیزاب سے ہونے والے حملے کی متاثرہ لکشمی اگروال کا کردار دپیکا اداکریں گی۔ فلم میں دپیکا کے ساتھ وکرانت میسی بھی اہم کردار میں نظر آئیں گے۔