اجے دیوگن نے اپنے ٹویٹر اکاؤنٹ پر ممبئی پولیس کی تعریف کی تھی، جس کا پولیس نے جواب بھی دیا ہے، لیکن انداز قدرے فلمی ہے۔

اجے دیوگن نے اپنے ٹویٹر اکاؤنٹ پر ممبئی پولیس کی تعریف کی تھی، جس کا پولیس نے جواب بھی دیا ہے، لیکن انداز قدرے فلمی ہے۔
  آج کل پوری دنیا میں کورونا کیسز تیزی سے بڑھ رہے ہیں اور ایسی صورتحال میں پولیس شہر کا نظم و نسق برقرار رکھنے کیلئے مستقل ڈیوٹی پر موجود ہے۔ ممبئی پولیس اپنا گھر بار سب کچھ بھول کر اپنا فرض نبھا رہی ہے۔ ’سنگھم‘ نے ان کی تعریف میں ایک ٹویٹ کیا، جس کا پولیس نے بہت ہی دلچسپ جواب دیا ہے۔
 اجے دیوگن نے ممبئی پولیس کی تعریف میں ٹویٹ کیا تھا، جس میں انہوں نے لکھا کہ ’’ممبئی پولیس (خاکی)اپنی ذمّہ داری بحسن و خوبی اجام دے رہی ہے۔ اس کا مقابلہ کسی سے نہیں کیا جا سکتا۔ آپ جب بھی کبھی ’سنگھم‘ کی خدمات حاصل کرنا چاہیں گے تو وہ ’خاکی‘ پہنے آپ کے کاندھے سے کاندھا ملا کر کھڑا ہو جائے گا۔‘‘ 
 اجے دیوگن کے اس پوسٹ کے جواب میں ، ممبئی پولیس نے لکھا ہے کہ ’’پیارے ’سنگھم‘! ’خاکی‘ جو کام کر رہی ہے اُس کا مقصد صرف یہ ہے کہ ممبئی ویسی ہی ہو جائے، جیسی ’وَنس اَپون اے ٹائم‘ تھی۔
 حکومت ہند نے ملک میں جو ۲۱؍ دن کے ’لاک ڈاؤن‘ کا اعلان کیا ہے وہ کورونا سے بچنے کیلئے بہت ضروری ہے ، لیکن اس سے یومیہ اجرت پانے والے مزدوروں کو بہت مشکل ہوچکی ہے۔ اجے دیوگن نے ’فیڈریشن آف ویسٹرن انڈیا سائن ایمپلائز‘ (ایف ڈبلیو ای سی) کیلئے ۵۱؍ لاکھ روپے کی امداد دی ہے۔ واضح ہوکہ ’ایف ڈبلیوای سی‘ کے تحت سیٹ میکرز، ڈرائیورز، اسپاٹ بائز، میک اَپ آرٹسٹ، جونیئر آرٹسٹ، اسٹنٹ مین اور لائٹ مین وغیرہیومیہ اجرت پر کام کرتے ہیں۔ فلم انڈسٹری میں تقریباً ۲۵؍ ہزار کارکنان سرگرمی سے کام کرتے ہیں، لیکن شوٹنگ جمود کا شکار ہو گئی ہے جس کی وجہ سے وہ گھر بیٹھے ہیں اور انہیں کھانے کیلئے بھی پریشانی کا سامنا کرنا پڑ رہا ہے۔