۵۶؍ویں ہندوستانی بین الاقوامی فلمی میلے (اِفی) میں ہندوستانی سنیما، موسیقی، تھیٹر اور تخلیقی فنون کی متعدد بڑی شخصیات کو خراجِ عقیدت پیش کیا گیا جن کا اس سال انتقال ہوا۔

۵۶؍ویں ہندوستانی بین الاقوامی فلمی میلے (اِفی) میں ہندوستانی سنیما، موسیقی، تھیٹر اور تخلیقی فنون کی متعدد بڑی شخصیات کو خراجِ عقیدت پیش کیا گیا جن کا اس سال انتقال ہوا۔
ہندوستانی۵۶؍ویں بین الاقوامی فلمی میلے کے اختتامی پروگرام میں جمعہ کی شام ہندوستانی سنیما، موسیقی، تھیٹر اور تخلیقی آرٹس کی کئی ممتاز شخصیات کو یاد کیا گیا۔ اس موقع پر خصوصی طور پر تیارکردہ ویڈیو دکھایا گیا   جس میں اُن فنکاروں کو خراجِ عقیدت پیش کیا گیا جن کی خدمات نے ملک کے ثقافتی ماحول پر گہرے اور انمٹ نقوش چھوڑے۔ ان شخصیات میں دھرمیندر، کامنی کوشل، سلکھشانا پنڈت، ستیش شاہ، پیّوش پانڈے، رشبھ ٹنڈن، گووردھن اسرانی، پنکج دھیر، وریندر سنگھ گھومن، زوبین گرگ، بال کروے، جسوندر بھلّا، جیوتی چندیکر، رتن تھیام، بی، سروجہ دیوی، شیفالی زریوالا، پارتھو گھوش، وبھو راگھو، شاجی این  کرون، منوج کمار، آلوک چٹرجی، شیام بینیگل اور ذاکر حسین شامل تھے۔
خراج عقیدت  کی پیشکش میں اداکار دھرمیندر کے انتقال کا ذکر سب سے زیادہ جذباتی لمحہ تھا، جو فلمی میلے کے دوران ہی ۲۴؍نومبر کو اس دنیا سے رخصت ہوئے۔ آئی ایف ایف آئی کی جانب سے پیش کردہ یہ خراج عقیدت مختلف شعبوں سے تعلق رکھنے والی شخصیات کے لیے تھا-جن میں اداکار، ہدایتکار، موسیقار، تھیٹر آرٹسٹ اور تخلیقی پیشہ ور شامل تھے جو ہندوستان کی فنکارانہ وراثت کی وسعت اور تنوع کو ظاہر کرتی ہے۔ 

یہ بھی پڑھئے:رانچی میچ میںرو۔کو‘ کی جوڑی تاریخ رقم کرےگی

فرحان اختر کی فلم۱۲۰؍بہادر کو ٹیکس فری قرار دیا
دہلی کی وزیر اعلیٰ ریکھا گپتا نے جنگی ڈرامہ فلم ۱۲۰؍ بہادر کو قومی دارالحکومت میں ۲۸؍ نومبر سے ٹیکس فری قرار دے دیا ہے۔ یہ فلم ۱۹۶۲ءکی چین-ہندوستان جنگ کے دوران ہونے والی جنگِ ریزانگ لا کی عکاسی کرتی ہے اور اس میں دکھائے گئے ہندوستانی فوجیوں کی بہادری کو خراجِ عقیدت پیش کرتی ہے۔
  گپتا نے یہ اعلان ایکس  پر کرتے ہوئے فلم کی تعریف کی، جو چارلی کمپنی، ۱۳؍ کُماؤں رجمنٹ اور ان کے بہادر کمانڈنگ آفیسر میجر شیطان سنگھ بھاٹی کی شجاعت کو یاد کرتی ہے۔ اداکار فرحان اختر نے دہلی کی وزیر اعلیٰ ریکھا گپتا کا شکریہ ادا کیا کہ انہوں نے فلم کو ٹیکس فری قرار دیا۔