بالی ووڈ فلم انڈسٹری کی معروف فنکارہ ملائکہ اروڑہ کا دو ہفتوں بعد کورونا وائرس ٹیسٹ منفی آگیا ہے جس کے بعد قرنطینہ سے اپنے اہل خانہ میں منتقل ہوگئی ہیں۔
EPAPER
Updated: September 25, 2020, 9:52 AM IST | Agency | Mumbai
بالی ووڈ فلم انڈسٹری کی معروف فنکارہ ملائکہ اروڑہ کا دو ہفتوں بعد کورونا وائرس ٹیسٹ منفی آگیا ہے جس کے بعد قرنطینہ سے اپنے اہل خانہ میں منتقل ہوگئی ہیں۔
بالی ووڈ فلم انڈسٹری کی معروف فنکارہ ملائکہ اروڑہ کا دو ہفتوں بعد کورونا وائرس ٹیسٹ منفی آگیا ہے جس کے بعد قرنطینہ سے اپنے اہل خانہ میں منتقل ہوگئی ہیں۔انسٹاگرام پر ملائکہ اروڑہ نے اپنے مداحوں کو خوشخبری سنائی کہ وہ مکمل طور پر صحت یاب ہیں اور کورونا کو شکست دینے کے بعد اپنے کمرے سے باہر کی دنیا میں واپس آگئی ہیں۔آئٹم سانگ پر رقص سے شہرت حاصل کرنے والی ’چھیاں چھیاں گرل‘ نے مزید لکھا کہ معمولی درد اور ہلکی علامتوں کے ساتھ موزی وائرس کو شکست دینے پر میں خود کو خوش قسمت سمجھتی ہوں جس پر اپنے معالجین، اہل خانہ، ہمسائے اور مداحوں کا خصوصی شکریہ ادا کرتی ہوں۔قبل ازیں قرنطینہ کے دوران انسٹاگرام پر ہی فنکارہ نے ایک تصویر پوسٹ کی تھی جس میں اُن کا بیٹا گھر کے باہر کی دیوار سے اپنی والدہ کو دیکھ رہا ہے۔ ملائکہ اروڑہ نے ان لمحات کو درد ناک قرار دیتے ہوئے لکھا تھا کہ ہم نے ان حالات میں جینا سیکھ لیا ہے اور ایک دوسرے کے پیغامات کو سمجھ لیتے ہیں۔واضح رہے کہ رواں ماہ کے آغاز میں ارجن کپور اور ملائکہ اروڑہ میں کورونا وائرس کی تصدیق ہوئی تھی جس پر فنکارہ نے معالجین کے زیر نگرانی خود کو اپنے گھر میں ہی قرنطینہ کرکے اہل خانہ کو خود سے علیحدہ کردیا تھا۔