دی کشمیر فائلز کی اداکارہ اور ہدایت کار وویک اگنی ہوتری کی اہلیہ پلوی جوشی اپنی آنے والی فلم ’ویکسین وار‘ کے سیٹ پر زخمی ہوگئیں
EPAPER
Updated: January 18, 2023, 12:07 PM IST | MUMBAI
دی کشمیر فائلز کی اداکارہ اور ہدایت کار وویک اگنی ہوتری کی اہلیہ پلوی جوشی اپنی آنے والی فلم ’ویکسین وار‘ کے سیٹ پر زخمی ہوگئیں
دی کشمیر فائلز کی اداکارہ اور ہدایت کار وویک اگنی ہوتری کی اہلیہ پلوی جوشی اپنی آنے والی فلم ’ویکسین وار‘ کے سیٹ پر زخمی ہوگئیں۔ فلم کے یونٹ ذرائع کے مطابق حیدرآباد میں شوٹنگ کے دوران ایک گاڑی اپنا توازن کھو بیٹھی اور پلوی جوشی سے ٹکرائی۔فلم ’ویکسین وار‘ کی شوٹنگ کے دوران وہاں موجود لوگوں نے مزید بتایا کہ پلوی جوشی کو بڑی چوٹ نہیں آئی۔ زخمی ہونے کے باوجود انہوں نے اپنی شوٹنگ مکمل کی اور اس کے بعد ہی مقامی اسپتال گئیں۔ اس کے بعد ڈاکٹروں نے ان کا علاج کیا اور کہا کہ ان کی چوٹیں زیادہ سنگین نہیں ہیں اس لیے گھبرانے کی کوئی بات نہیں ہے۔پلوی جوشی آخری بار `’دی کشمیر فائلز‘ میں نظر آئی تھیں۔ اس میں پلوی نے جے این یو کی پروفیسر رادھیکا مینن کا کردار ادا کیا تھا۔