بالی ووڈ سپر اسٹار شاہ رخ خان کی فلم پٹھان نے باکس آفس پر تہلکہ مچانا شروع کر دیا ہے

بالی ووڈ سپر اسٹار شاہ رخ خان کی فلم پٹھان نے باکس آفس پر تہلکہ مچانا شروع کر دیا ہے۔ فلم کو ریلیز ہوئے ۴؍ دن گزر چکے ہیں۔ ان۴؍ دنوں میں سپر اسٹار شاہ رخ خان کی فلم پٹھان نے باکس آفس پر خوب کمائی کی ہے۔ ریلیز کے ساتھ ہی یہ فلم ہر روز نئے ریکارڈ اپنے نام کر رہی ہے۔ اب کنگ خان کی فلم نے ریلیز کے صرف۴؍ دنوں میں  عالمی سطح پر ۴۰۰؍ کروڑ روپے کما کر ایک بار پھر بڑا ریکارڈ اپنے نام کر لیا ہے۔ فلم کی کمائی کے تازہ ترین اعداد و شمار سامنے آگئے ہیں۔ اس کے ساتھ ہی  شاہ رخ خان کی فلم نے ۲۰۰؍ کروڑ کے کلب میں داخل ہوتے ہی ہندوستانی سطح پر  ۹؍فلموں کے ریکارڈ توڑ ڈالے ۔ ان ۹؍فلموں میں  باہوبلی، کے جی ایف ۲، سلطان، وار، ٹائیگر زندہ ہے، سنجو، دنگل ، دھوم ۳؍ اور بجرنگی بھائی جان قابل ذکر ہیں۔ یہ فلم ہندوستانی باکس آفس پر بھی دھوم مچا رہی ہے۔ فلم نے صرف۴؍ دنوں کے اندر ملک کے سینما گھروں سے۲۰۰؍ کروڑ روپے کی بھاری رقم جمع کر لی ہے  جس کی وجہ سے بالی ووڈ انڈسٹری میں طویل عرصے بعد خوشی کی لہر دوڑ گئی ہے۔ کنگ خان نے اس فلم سے کئی بڑے ریکارڈ بنانے شروع کر دیئے۔