ی عالیشان عمارتوں کیلئے انتہائی مشہورہےجہاں سپر اسٹار شاہ رخ خان سمیت بالی ووڈ کی کئی مشہور شخصیات رہائش پذیر ہیں۔

باندرہ علاقہ اپنی عالیشان عمارتوں کیلئے انتہائی مشہورہےجہاں سپر اسٹار شاہ رخ خان سمیت بالی ووڈ کی کئی مشہور شخصیات رہائش پذیر ہیں۔اور اب حالیہ رپورٹس کے مطابق، رنویر سنگھ نے اپنے والد جگجیت سندر سنگھ بھونانی کی فرم ’اوہ فائیو اوہ میڈیا ورکس ایل ایل پی‘کےساتھ مل کر ممبئی کے پوش علاقےمیں شاہ رخ خان کی رہائش گاہ منت کے قریب ۱۱۹؍کروڑ روپے کا سمندر کےسامنے والا لگژری کواڈرپلیکس گھرخریدا ہے۔ یہ اپارٹمنٹ مبینہ طور پر ٹاور کی۱۶؍ویں، ۱۷؍ ویں،۱۸؍ویں اور ۱۹؍ ویں منزل پر پھیلا ہوا ہے۔ پریمیم پراپرٹی میں مجموعی طور پر ۱۱؍ہزار ۲۶۶؍مربع فٹ کا کارپٹ ایریااور ایک ہزار ۳۰۰؍مربع فٹ کی خصوصی ٹیرس ہے۔ ۲۰۲۱ء میں،  رنویر اور ان کی اہلیہ دپیکا پڈوکون نے علی باغ میں۲۲؍کروڑ روپے میں ایک بنگلہ خریدا تھا۔ دریں اثنا، کام کےتعلق سے بات کی جائے تو رنویر سنگھ ہدایت کار روہت شیٹی کی ہدایت کاری میں بننے والی فلم ’سرکس‘میں نظر آئیں گے، جو’سمبا‘کے بعد ایک مکمل کردار میں اداکار اورہدایتکار جوڑی کی ایک دوسرے کے ساتھ بننے والی فلمہے۔اس فلم میں جیکلن فرنانڈیز، پوجا ہیگڑے اور ورون شرمابھی اہم کرداروں میں ہیں۔ ۱۹۶۰ءکےدور پر مبنی یہ فلم رنویر کے اپنے کریئر کا پہلا ڈبل رول بھی ہے۔ریلائنس انٹرٹینمنٹ اور ٹی سیریز کے ذریعہ تیار کردہ یہ فلم۲۰۲۲ءکےکرسمس کے موقع پر سنیما گھروں میں نمائش کے لیے تیار ہے۔ رنویر کے پاس کرن جوہر کی ’راکی اور رانی کی پریم کہانی‘ عالیہ بھٹ، جیا بچن، شبانہ اعظمی اور دھرمیندر کے ساتھ بھی ہے۔