بالی ووڈاداکارسنجے دت نے حال ہی میں ریلیز ہونےوالی اپنی فلم ’کے جی ایف چیپٹر۲‘ کی کامیابی پر ایک خصوصی نوٹ لکھا کہ کچھ فلمیں دوسروں سے زیادہ خاص ہوتی ہیں اور ان سے بہت کچھ سیکھنے کو ملتا ہے۔

 بالی ووڈاداکارسنجے دت نے حال ہی میں ریلیز ہونےوالی اپنی فلم ’کے جی ایف چیپٹر۲‘ کی کامیابی پر ایک خصوصی نوٹ لکھا کہ کچھ فلمیں دوسروں سے زیادہ خاص ہوتی ہیں اور ان سے بہت کچھ سیکھنے کو ملتا ہے۔ انسٹاگرام پر منا بھائی ایم بی بی ایس سے شہرت کی بلندیوں پر پہنچنے والے اداکارنےاپنے۵ء۶؍ملین فالوورزکےساتھ شیئر کیے گئے پیغام میں الفاظ کی شکل میں اپنے دل کی باتیں ظاہر کیں۔سنجے دت نے اپنے پوسٹ میںکہاکہ کچھ ایسی فلمیں ہوتی ہیں جو دوسروں سے زیادہ خاص ہوتی ہیں اور مجھے ایک ایسی فلم کی تلاش تھی جو مجھے میرے کمفرٹ زون سے باہر دھکیل دے۔ اداکار نے کہا کہ ’کے جی ایف چیپٹر۲‘ میرے لیےوہ فلم تھی جس نے مجھے میری اپنی صلاحیتوں کی یاد دلائی۔اُنہوں نے کہا کہ میرا کردارکیسے نکلا اس کا کریڈٹ پوری طرح میرے ہدایت کار پرشانت نیل کو جاتا ہے۔سنجے دت نے مزید کہا کہ یہ فلم ہمیشہ ایک یاد دہانی کرائےگی کہ جب بھی زندگی کوئی سرپرائز دیتی ہے، آپ کے اندر اس سے بہتر کام کرنے کی صلاحیت ہوتی ہے۔