اداکار نے کہا کہ نشہ کی عادت چھڑانے کیلئے ایک عرصہ تک علاج کروایا اور ورزش کا سہارا لیا
EPAPER
Updated: April 22, 2022, 10:41 AM IST | Agency | Mumbai
اداکار نے کہا کہ نشہ کی عادت چھڑانے کیلئے ایک عرصہ تک علاج کروایا اور ورزش کا سہارا لیا
بالی ووڈ کے سنجو بابا نے کہا ہے کہ ماضی میں منشیات استعمال کرنے کی وجہ سے لوگ انہیں ’چرسی‘ کہا کرتے تھے لیکن پھر میں نے خود کو ورزش کے ذریعے تبدیل کیا۔میڈیا رپورٹ کے مطابق اپنے ایک انٹرویو میں معروف اداکار سنجے دت نے بتایا کہ نشے کی عادت چھڑانے کے لیے میں نے ایک عرصے تک علاج کرایا اور جب گھر واپس لوٹا تو لوگ مجھے دیکھ کر ’چرسی‘ کہا کرتے تھے لیکن پھر میں نے ٹھان لی کہ اس سے بچنے کے لیے کچھ کرنا پڑے گا اور اس طرح میں نے ورزش شروع کی جس کے بعد وہی لوگ میری تعریف کرنے لگے۔انہوں نے کہا کہ چرسی کہہ کر پکارے جانے پر مجھے بہت برا لگتا تھا اسی سبب میں نے خود کو تبدیل کرنے کا فیصلہ کیا اور ساری محنت ورزش پر لگا دی اور پھر یہ آوازیں سنتا تھا کہ ’’کیا باڈی ہے۔‘‘اداکار کا کہنا تھا کہ میں منشیات استعمال کرکے خود کو بہتر محسوس کرتا تھا اور مجھے خواتین سے بہت شرم آتی تھی اسی لیے ان کا سامنا یا بات چیت بھی کم کرتا تھا لیکن نشے کی حالت میںشرمیلا پن ختم ہوجاتاتھا اور خواتین سے بات کرسکتا تھا۔سنجے دت کی نئی فلم ’پرتھوی راج‘ کا مداحوں کو بے صبری سے انتظار ہے جس میں اکشے کمار سمیت دیگر نامور اداکار جلوہ گر ہوں گے۔