سارہ علی خان فلم ’اَترنگي رے‘ میں ڈبل رول کرتی نظر آ سکتی ہیں۔ بالی ووڈ ہدایتکار آنندایل رائے فلم ’اَترنگي رے‘ بنانے جا رہے ہیں۔ اس فلم میں اکشے کمار، دھنش اور سارہ علی خان کے اہم کردار ہیں۔

ممبئی : سارہ علی خان فلم ’اَترنگي رے‘ میں ڈبل رول کرتی نظر آ سکتی ہیں۔ بالی ووڈ ہدایتکار آنندایل رائے فلم ’اَترنگي رے‘ بنانے جا رہے ہیں۔ اس فلم میں اکشے کمار، دھنش اور سارہ علی خان کے اہم کردار ہیں۔ کہا جا رہا ہے کہ سارہ علی خان اس فلم میں ڈبل رول ادا کرتی نظر آ سکتی ہیں۔ وہ اکشے کمار اور دھنش دونوں کے کرداروں کے ساتھ ۲؍ الگ الگ زمانوں میں رومانس کرتی نظر آئیں گی۔ کہا جا رہا ہے کہ سارہ کے کردار کا تعلق بہار سے اور دھنش کے کردار کا تعلق جنوبی ہند سے ہوگا۔ ان دونوں کی ’کراس کلچر‘ داستان عشق کو پردۂ سیمیں پر دکھایا جائے گا۔ سارہ علی خان اور دھنش فلم ’اَترنگي رے‘ کی شوٹنگ مارچ میں شروع کرنے والے ہیں جبکہ اکشے کمار اپریل میں اس کی شوٹنگ میں حصہ لیں گے۔ اس فلم کو ۹۰۔۸۰؍ دنوں میں یعنی جون ۲۰۲۰ء تک ختم کرنے کا منصوبہ ہے۔ فلم ۱۴؍ فروری ۲۰۲۱ء کو ریلیز ہوگی۔