اداکار سیف علی خان اور سابق اداکارہ امریتا سنگھ کی بیٹی  سارہ علی خان کی سوشل میڈیا پر خوب تعریفیں ہو رہی ہیں۔

اداکار سیف علی خان اور سابق اداکارہ امریتا سنگھ کی بیٹی  سارہ علی خان کی سوشل میڈیا پر خوب تعریفیں ہو رہی ہیں۔نوابوں کے ’پٹودی‘ خاندان سے تعلق رکھنے والی اداکارہ سارہ  خان کی خوش اخلاقی سے متعلق تو ہر کوئی جانتا ہے، سارہ خان کی انٹرنیٹ پر وائرل ہونے والے ایک نئے ویڈیو نے سب ہی کو اُن کی تربیت کی تعریف کرنے پر مجبور کر دیا ہے۔ سارہ خان کو وائرل ویڈیو میں دیکھا جا سکتا ہے کہ وہ سیٹ سے باہر موجود فوٹو گرافرس سے اپنے گارڈ کی جانب سے کی گئی بدتمیزی پر خود معذرت کر رہی ہیں۔سارہ علی خان کے گارڈ کی جانب سے ایک فوٹو گرافر کو دھکا دیا گیا تھا جس کے نتیجے میں فوٹو گرافر گر گیا تھا۔سارہ علی خان کو اس واقعہ کا علم ہونے کے بعد انہوں نے بذاتِ خود فوٹوگرافرز سے معافی مانگی۔سارہ  خان کو ویڈیو میں دیکھا جا سکتا ہے کہ وہ اپنے گارڈس کو  میڈیا ورکرس سے تحمل مزاجی سے پیش آنے کی تلقین کرتے ہوئے فوٹوگرافرس سے معافی مانگ رہی ہیں۔سارہ کے اس اقدام پر انٹرنیٹ صارفین کی جانب سے اُن کی والدہ، امریتا سنگھ کی تربیت کو خوب سراہا جا رہا ہے۔