لی ووڈ کے بادشاہ شاہ رخ کی فلم’پٹھان‘ کا ٹیزر گزشتہ دنوں ریلیز کیا گیا ہے۔اس فلم کے تعلق سے سدھارتھ آنند نے بتایا کہ فلم میں ایکشن سے بھرپور مناظر کےلئے شاہ رخ خان نے سخت محنت کی ہے
EPAPER
Updated: November 06, 2022, 10:36 AM IST | Mumbai
لی ووڈ کے بادشاہ شاہ رخ کی فلم’پٹھان‘ کا ٹیزر گزشتہ دنوں ریلیز کیا گیا ہے۔اس فلم کے تعلق سے سدھارتھ آنند نے بتایا کہ فلم میں ایکشن سے بھرپور مناظر کےلئے شاہ رخ خان نے سخت محنت کی ہے
لی ووڈ کے بادشاہ شاہ رخ کی فلم’پٹھان‘ کا ٹیزر گزشتہ دنوں ریلیز کیا گیا ہے۔اس فلم کے تعلق سے سدھارتھ آنند نے بتایا کہ فلم میں ایکشن سے بھرپور مناظر کےلئے شاہ رخ خان نے سخت محنت کی ہے۔ یش راج کے بینر میں بننے والی فلم کے ڈائریکٹر سدھارتھ آنند ہیں اور اس فلم میں شاہ رخ خان،دپیکا پدوکون اور جان ابراہم اہم رول ادا کر رہے ہیں ۔فلم ’پٹھان ‘ کا ٹیزر حال ہی میں ریلیز ہوا ہے اور اس میں شاہ رخ خان بالکل نئے انداز میں ایکشن کرتے ہوئے نظر آ رہے ہیں۔ان کے ایکشن سین دیکھ کر شائقین بھی حیران ہیں۔
سدھارتھ آنند نے بتایا کہ ’پٹھان‘ میں ایکشن سین کیلئے شاہ رخ خان نے سخت محنت کی ہے۔انہوںنے رول میں خود کو ڈھالنے کیلئے اپنے جسم کو کافی چاق و چوبند کیا ہے۔فلم کا ٹیزر دیکھ کر لوگوں کا انہیں جو پیا ر مل رہا ہے وہ اس کے حقدار ہیں۔انہوںنے نہ صرف اپنے جسم کو رول کے مطابق ڈھالا ہے بلکہ جس طرح سے انہوںنے بے حد خطرناک اسٹنٹ کئے ہیں وہ قابل دید ہیں۔ان سب کیلئے انہوںنے دیوانگی کی حد تک ٹریننگ کی تھی۔خطرناک علاقوں میں اور الگ طرح کے موسم میں انہوںنے جس طرح سے ایکشن سین کئے ہیں اس کے بارے میں کچھ بیان نہیں کرسکتا۔وہ قابل ستائش ہیں۔واضح رہے کہ فلم’پٹھان‘آئندہ سال ۲۵؍جنوری کو ہندی،تمل اور تیلگو میں ایک ساتھ ریلیز کی جائےگی۔اس فلم کا انتظار ناظرین بے صبری سے کر رہے ہیں۔