معروف بالی ووڈ اداکارہ  پرینیتی چوپڑا اور پنجابی فلم انڈسٹری میں اپنی منفرد شناخت بناچکے اداکار ہارڈی سندھو سنیما کے پردے پر جلد ہی ماردھاڑ اور زبردست ایکشن کرتے نظر آئیں گے۔

 معروف بالی ووڈ اداکارہ  پرینیتی چوپڑا اور پنجابی فلم انڈسٹری میں اپنی منفرد شناخت بناچکے اداکار ہارڈی سندھو سنیما کے پردے پر جلد ہی ماردھاڑ اور زبردست ایکشن کرتے نظر آئیں گے۔ ان کی نئی  فلم کا نام ہے’کوڈنیم: ترنگا‘  جس میں یہ دونوں اداکار بڑے پردے پر جاسوسی کرتے نظر آئیں گے۔ اس فلم کی پہلی جھلک جاری کردی گئی ہے۔    پرینیتی نے سوشل میڈیا پر اپنی نئی آنے والی فلم کا اعلان کرتے ہوئے اس کا ٹیزر اپ لوڈ کیا ہے پرینیتی نے بتایا کہ وہ اپنی نئی فلم ’کوڈ نیم: ترنگا‘ میں انٹیلی جنس ایجنٹ کا کردار ادا کر رہی ہیں۔ پرینیتی چوپڑا نے مزید لکھا کہ’ ’اپنے ملک کے لیے مشن کرنے پر اعزاز ہے، ایکشن کو شروع کرتے ہیں۔‘‘ ایکشن اور  تھرلر  سے بھرپور اس فلم کے زریعے  پری نیتی چوپڑا ایک طویل عرصے کے بعد بڑے پردے پر واپس آرہی ہیں وہ فلم میں مرکزی کردار ادا کرتی نظر آئیں گی جبکہ ان کے ساتھ ہارڈی سندھو اور شرد کیلکر اداکاری کے جوہر دکھائیں گے ، فلم  کےہدایتکار  رِبھو داس گپتا ہیں۔