۲۰۲۳ء میں نیٹ فلکس پر ریلیز ہونے والی ’’چور نکل کے بھاگا‘‘ کے سیکویل کی اسکرپٹ حتمی ہوگیا ہے۔ شوٹنگ اسی سال شروع ہوگی۔ یامی گوتم اور سنی کوشل اپنے اپنے کرداروں میں لوٹیں گے۔

۲۰۲۳ء میں نیٹ فلکس پر ریلیز ہونے والی فلم ’’چور نکل کے بھاگا‘‘ مداحوں کو پسند آئی تھی۔ یہ ایک رومانوی تھریلر فلم تھی جس میں یامی گوتم اور سنی کوشل مرکزی کردار میں تھے۔ فلم کی کہانی ہیروں کی چوری کے گرد گھومتی ہے جو آہستہ آہستہ محبت، دھوکہ دہی اور دھوکہ دہی کی ایک دلفریب کہانی میں بدل جاتی ہے۔ دو سال کے بعد، یامی گوتم اور سنی کوشل ’’چور نکل کے بھاگا‘‘ کے سیکویل کیلئے پھر اکٹھے ہو رہے ہیں لیکن اس بار کہانی ہوائی جہاز کے بجائے کروز پر پیش کی جائے گی۔ 

یہ بھی پڑھئے: بیڈز آف بالی ووڈ: ۲۱؍ خاص ستارے، انٹرنیٹ پر ویب سیریز کی دھوم

اندرونی ذرائع نے پنک ولا کو بتایا کہ ’’چور نکل کے بھاگا ۲‘‘ کی اسکرپٹ حتمی ہوگئی ہے اور اس سال کے آخر تک فلم کی شوٹنگ شروع ہوجائے گی۔ سنی کوشل اور یامی گوتم، اپنے اپنے کردار ادا کریں گے۔ علاوہ ازیں مزید کرداروں کی کاسٹنگ جاری ہے۔ ’’چور نکل کے بھاگا‘‘ کی شوٹنگ ہوائی جہاز پر ہوئی تھی۔ مگر اب کروز پر ہوگی۔ اس کیلئے دنیش وجن اور ان کی ٹیم شوٹنگ کے وسیع شیڈول کو انجام دینے کیلئے کروز کرائے پر لے رہے ہیں۔ دلچسپ بات یہ ہے کہ پہلی قسط کے برعکس، جس کا پریمیر نیٹ فلکس پر ہوا تھا، اس کا سیکویل سنیما گھروں میں ریلیز ہونے کی افواہ ہے۔‘‘

یہ بھی پڑھئے: دپیکا پڈوکون کو ’’کالکی‘‘ کے سیکویل سے نکال دیا گیا

خیال رہے کہ ’’چور نکل کے بھاگا ۲‘‘ کو دنیش وجن اور امر کوشک مشترکہ طور پر پروڈیوس کریں گے۔ اجے سنگھ کی ہدایتکاری میں بننے والی فلم ’’چور نکل کے بھاگا‘‘ رومانس اور سنسنی خیزی کا ایک دلفریب امتزاج تھی۔ یہ کہانی ایک ایئر ہوسٹس اور اس کے معشوق کی ہے جو پرواز میں ہیروں کی چوری کی کوشش کر رہا ہے، لیکن ہوائی جہاز ہائی جیک ہوجاتا ہے اور مشکلیں بڑھ جاتی ہیں۔