جاپانی آٹو موبائل کمپنی ہونڈا نے ہندوستانی بازار میں اپنی نئی موٹر سائیکل ’ہورنیٹ۲ء۰‘ لانچ کردی ہے۔

جاپانی آٹو موبائل کمپنی ہونڈا نے ہندوستانی بازار میں اپنی نئی موٹر سائیکل ’ہورنیٹ۲ء۰‘ لانچ کردی ہے۔ پرکشش لُک اور طاقتور انجن سے لیس اس اسپورٹی بائیک کی ابتدائی قیمت ایک لاکھ ۲۶؍ ہزار ۳۴۵؍روپے (ایکس شوروم گروگرام)ہے ۔  اس بائیک میں ایل ای ڈی لائٹنگ والے ہیڈلیمپ ، ٹیل لیمپ اور انڈیکٹرس کو شامل کیا گیا ہے ۔ جبکہ اسپلٹ سیٹس، بلیک آؤٹ انجن پینل، باڈی کلرڈ بیلی پین اور طاقتور فیول ٹینک اس کی خصوصیات ہیں۔ یہ بائیک چار رنگوں میں دستیاب ہوگی۔ اس موٹر سائیکل کے دونوں ٹائروں میں ڈِسک بریک دئیے گئے ہیں۔ اسکے علاوہ اس میںسنگل چینل اینٹی لاک بریکنگ سسٹم (اے بی ایس) دیا گیا ہے ۔ اس میں ۱۸۴؍ سی سی کی استعداد کا ہونڈا اِیکو ٹیکنالوجی سے لیس انجن دیا گیا ہے جو ۱۶ء۸۶؍ پی ایس کی پاور اور۱۶ء۱؍ این ایم کا ٹورک پیدا کرتا ہے۔ کمپنی کا دعویٰ ہے کہ یہ بائیک محض ۱۱؍ سیکنڈ میں ۲۰۰؍میٹر کا فاصلہ طے کرلیتی ہے۔ بائیک کا وارنٹی وقفہ ۶؍ سال ہے۔ یہ بائیک بجاج پلسر این ایس ۲۰۰؍ اور ٹی وی ایس اپاچے کو ٹکر دے گی۔