وہاٹس ایپ نے نئے سال پر اپنی ایپ میں ۳؍ بڑی تبدیلیوں کا فیصلہ کیا ہے۔یہ تبدیلیاں اسی سال کی جانے والی تھیںکووِڈ۱۹؍کی وباء کے سبب پیدا ہونے والے عالمی بحران کی وجہ سے۲۰۲۰ء میں بعض تبدیلیاں مؤخر کردی گئیں تھیں۔

وہاٹس ایپ نے نئے سال پر اپنی ایپ  میں ۳؍ بڑی تبدیلیوں کا فیصلہ کیا ہے۔یہ  تبدیلیاں اسی سال کی جانے والی تھیںکووِڈ۱۹؍کی وباء کے سبب پیدا ہونے والے عالمی بحران کی وجہ سے۲۰۲۰ء میں بعض تبدیلیاں مؤخر کردی گئیں تھیں۔   ان میں سب سے پہلی اور بڑی تبدیلی یہ ہے کہ اب  وہاٹس ایپ ویب پر بھی کال اور ویڈیو کال کی سہولت فراہم کردی جائے گی۔ وہاٹس ایپ کے  اعلان کے مطابق  آئندہ سال وہاٹس ایپ یہ سروس متعارف کروادے گا  ۔ دوسری اہم تبدیلی جو متوقع ہے وہ ہے  بیٖٹا آئی او ایس کے اَپ ڈیٹ کے بعد وہاٹس ایپ میں ایک سے زائد ویڈیوز اور تصاویر پیسٹ کی جاسکیں گی۔ اس کے علاوہ آئندہ سال وہاٹس ایپ کی رازداری یا پرائیویسی کی شرائط میں بھی تبدیلی کی جارہی ہے۔ پرائیوسی سے متعلق واٹس ایپ کی شرائط میں تبدیلی فروری تک متوقع ہے۔ اس حوالے  سے تاحال کوئی واضح تبدیلیوں کا اعلان نہیں کیا گیا تاہم تمام صارفین پر ان شرائط کو تسلیم کرنا ضروری ہوگا۔اس کے علاوہ  آئندہ سال وہاٹس ایپ ایک ہی اکاؤنٹ سے متعدد ڈیوائسز کو استعمال کرنے کی سہولت فراہم کرنے کیلئے بھی منصوبہ بندی کررہا ہے۔ ٹیکنالوجی امور کے ماہرین کے مطابق کووِڈ۱۹؍ کے بعد فاصلاتی رابطوں، ویڈیو کالنگ وغیرہ اور بڑھتی ہوئی اہمیت و ضرورت کے باعث اس شعبے میں آئند برس کئی تیز رفتار تبدیلیاں متوقع ہیں۔