ریئل می نے ایک نیا اسمارٹ فون وی۲۵؍ متعارف کرا دیا ہے۔
EPAPER
Updated: March 08, 2022, 11:54 AM IST | Agency | Mumbai
ریئل می نے ایک نیا اسمارٹ فون وی۲۵؍ متعارف کرا دیا ہے۔
ریئل می نے ایک نیا اسمارٹ فون وی۲۵؍ متعارف کرا دیا ہے۔ اس فون کو چین میں فروخت کے لئے پیش کیا جارہا ہے۔ رئیل می وی۲۵؍ بنیادی طور پر ریئل می۹؍ پرو جیسا ہی ہے بس ایک کیمرا مختلف ہے۔ فون میں۶ء۶؍ انچ کا ایل سی ڈی ڈسپلے۱۲۰؍ ہرٹز ریفریش ریٹ کے ساتھ دیا گیا ہے جبکہ۵؍ہزارایم اے ایچ بیٹری۳۳؍ واٹ فاسٹ چارجنگ سپورٹ کے ساتھ ہے۔ فون کے بیک پر۳؍ کیمروں کا سیٹ اپ موجود ہے جس کا مین کیمرا۶۴؍ میگا پکسل کا ہے جس کے ساتھ۲؍ میگا پکسل بلیک اینڈ وائٹ اور۲؍ میگا پکسل میکرو کیمرے موجود ہیں۔ فون میں اینڈرائیڈ آپریٹنگ سسٹم کے ساتھ رئیل می یو آئی۳ء۰؍ کا امتزاج کیا گیا ہے۔ وی۲۵؍ کی ایک خاص بات اس کا بیک کور ہے جو سورج کی روشنی میں رنگ بدلتا ہے، یعنی بلیو پینل۲۵؍ سیکنڈ تک سورج کی روشی میں رہنے پر سرخی مائل گلابی رنگ کا ہوجاتا ہے، جبکہ۳؍ منٹ بعد دوبارہ نیلا ہوجاتا ہے۔ ایک اور خاص چیز۱۲؍ جی بی ریم اور۲۵۶؍ جی بی اسٹوریج ہے۔ اس فون کی قیمت ۱۹۹۹؍ چینی یوآن(۲۴؍ہزار ۳۱۱؍ روپے) رکھی گئی ہے۔