عربک ران روسٹ بنانے کی آسان ترکیب ملاحظہ کیجئے۔

درکار اجزاء: ران ڈیڑھ کلو، لہسن ادرک کا پیسٹ ۲؍ چھوٹے چمچے، لال مرچ پاؤڈر ایک بڑا چمچہ، دہی ایک کپ، جائفل جاوتری پاؤڈر ڈیڑھ چھوٹے چمچے، پپیتا کا پیسٹ ۳؍ بڑے چمچے، نمک حسبِ ذائقہ، چاٹ مسالہ ایک چھوٹا چمچہ، زیرہ پاؤڈر ایک چھوٹا چمچہ، سیاہ مرچ (کٹی ہوئی) ایک چھوٹا چمچہ، تیل ڈھائی کپ، لیموں اور سلاد کے پتّے (سجاوٹ کیلئے) حسب ِ ضرورت۔
بنانے کا طریقہ: سب سے پہلے ران میں اچھی طرح کٹ لگا لیں۔ پھر تمام مسالاجات ایک پیالے میں ڈال کر اچھی طرح مکس کرکے ران پر اچھی طرح مل کر ۶؍ سے ۷؍ گھنٹے کیلئے رکھیں۔ اب ایک بڑے پتیلے میں تیل کڑکڑا کے احتیاط سے درمیان میں ران رکھ دیں اور درمیانی آنچ پر ڈھانک کر پکنے دیں۔ ایک جانب سے ران پک جائے تو پلٹ کر رکھ دیں۔ جب دونوں جانب سے پک جائے اور تیل الگ ہوجائے تو ڈش میں نکال کر لیموں اور سلاد کے پتّوں سے سجا لیں۔ گرما گرم نان کے ساتھ لطف اٹھائیں۔