موٹر سائیکل ساز کمپنی ٹی وی ایس نے اپنی نئی موٹر سائیکل ٹی وی ایس اپاچے ۲۰۰؍ لانچ کردی ہے

موٹر سائیکل ساز کمپنی ٹی وی ایس نے اپنی نئی موٹر سائیکل ٹی وی ایس اپاچے ۲۰۰؍ لانچ کردی ہے۔ ہندوستانی بازار میں اس کا راست مقابلہ بجاج پلسر این ایس ۲۰۰؍ سے ہے۔ اپ ڈیٹیڈ ٹی وی ایس اپاچے ۲۰۰؍ کو ۳؍ مختلف رنگوں میں پیش کیا گیا جن میں گلوس بلیک، پرل وہائٹ اور میٹی بلیو شامل ہیں۔اس بائیک میں ۳؍ رائیڈنگ موڈز اسپورٹس، اربن اور رین دئیے جائیں گے۔ اس میں پری لوڈ ایڈجسٹ ایبل شوا فرنٹ سسپنشن، ٹی وی ایس اسمارٹ ایکسو نیکٹ بلیو ٹوتھ کنکٹی ویٹی، شوا ریئر مونو شاک اور ایڈجسٹ ایبل بریک اور کلچ لیور شامل ہیں۔ اس کے ساتھ ساتھ اس میں نیا ایل ای ڈی اور ڈی آر ایل بھی دیا گیا ہے۔  اپاچے آر ٹی آر ۲۰۰؍ فور وی ۱۹۷ء۷۵؍ سی سی سنگل سلنڈر ، فور والو، آئل کولڈ انجن کے ساتھ ملتا ہے۔ جس میں ۵؍ اسپیڈ گیئر باکس دیا گیا ہے۔