اگلے مہینے سے ایوی ایشن سیکوریٹی فیس (اے ایس ایف) بڑھ جائے گی۔ یہ فیس ہوائی سفر کرنے والے مسافروں سے وصول کی جاتی ہے۔

اگلے مہینے سے ایوی ایشن سیکوریٹی فیس (اے ایس ایف) بڑھ جائے گی۔ یہ فیس ہوائی سفر کرنے والے مسافروں سے وصول کی جاتی ہے۔ گھریلو پروازوں کے مسافروں  کے لئے ایوی ایشن فیس ۱۶۰؍ روپے سے بڑھ کر  ۲۰۰؍ روپے  ہوجائے گی جبکہ غیر ملکی پروازوں کے مسافروں سے ۱۲؍ ڈالر وصول کئے جائیں گے، ان مسافروں کے لئے ابھی یہ فیس ۵ء۲؍ ڈالر ہے۔ یکم اپریل ۲۰۲۱ء سے جاری ہونے والے ٹکٹوں پر نئی شرح نافذ ہوگی۔ پچھلے ایک مہینے میں گھریلو ہوائی کرایہ ۳۰؍ فیصد تک بڑھا ہے۔ ہوائی جہاز کے ایندھن اے ٹی ایف کی قیمتوں میں اضافہ اس کی اہم وجہ رہی ہے۔ اب ایوی ایشن سیکوریٹی فیس بڑھنے سے ہوائی کرایہ میں مزید اضافہ ہوگا۔ڈی جی سی اے نے گزشتہ جمعہ کو جاری کردہ حکم میں نئی شرح سے آگاہ کیا تھا۔ کچھ زمروں کے مسافروں کو اس فیس سے مستثنیٰ رکھا گیا ہے یعنی انہیں یہ فیس اد انہیں کرنی ہوگی۔ ان میں ۲؍ سال سے کم عمر کے بچے، سفارتی  پاسپورٹ ہولڈر، ڈیوٹی پر ایئر لائن کرو اور ۲۴؍ گھنٹے کے اندر اسی ٹکٹ پر کنیکٹنگ فلائٹ لے رہے ٹرانزٹ پسنجر شامل ہیں۔