دنیا کی سب سے بڑی ای کامرس کمپنیوں میں سے ایک امیزون کے بانی اور دنیا کے سب سے دولت مند شخص جیف بیزوس نے موسمیاتی تبدیلی کو روکنے کے لئے ایک کروڑ ڈالرس خرچ کرنے کا منصوبہ ظاہر کیا ہے۔ انہوں نے اس سلسلے میں کہا ہے کہ وہ موسمیاتی تبدیلی کا مقابلہ کرنے کے لئے ایک نیا فنڈ لانچ کریں گے اور اس منصوبے کے لئے ایک کروڑ ڈالر خرچ کریں گے۔

 ماسکو : دنیا کی سب سے بڑی ای کامرس کمپنیوں میں سے ایک امیزون کے بانی اور دنیا کے سب سے دولت مند شخص  جیف  بیزوس نے موسمیاتی تبدیلی کو روکنے کے لئے ایک کروڑ ڈالرس خرچ کرنے کا منصوبہ ظاہر کیا ہے۔ انہوں نے اس سلسلے میں کہا ہے کہ وہ موسمیاتی تبدیلی کا مقابلہ کرنے کے لئے ایک نیا فنڈ لانچ کریں گے اور اس منصوبے کے لئے ایک کروڑ ڈالر خرچ کریں گے۔ جیف بیزوس  نے سوشل میڈیا پر کہا کہ’’مجھے ’ بیزوس  ارتھ فنڈ‘ کو شروع کرنے کا اعلان کرنے میں خوشی ہو رہی ہے۔ موسمیاتی تبدیلی ہماری دنیا کے لئے سب سے بڑی مصیبت ہے۔ میں اس طریقے سے ماحولیاتی تبدیلی کے تباہ کن اثرات سے لڑنے کے نئے طریقوں کا پتہ لگانے کے لئے دوسروں کے ساتھ کام کرنا چاہتا ہوں۔ یہ عالمی پیش رفت سائنسدانوں، سماجی کارکنوں، غیر سرکاری تنظیموں کو فنڈ دے گی، اس سے کوئی بھی کوشش جو دنیا کو محفوظ کرنے میں مدد کرنے کے لئے کی جائے گی  اسے حقیقت کا روپ دینے کے اقدامات کئے جائیں گے۔‘‘  انہوں نے مزید کہا کہ ’ہم زمین کو بچا سکتے ہیں۔ میں اس کے لئے ایک کروڑ ڈالر خرچ کرنے کے لئے مصروف عمل ہوں اور اس کی شروعات موسم گرما میں کروں گا۔ زمین ایک ایسی چیز ہے جو ہم سب کے لئے ایک جیسی ہے، اسے ایک ساتھ محفوظ رکھیں۔‘‘ واضح رہے کہ گزشتہ دنوں ہی جیف بیزوس نے امریکہ کا سب سے مہنگا مکان خریدا ہے جسے کچھ رپورٹس میںدنیا کا بھی سب سے مہنگا مکان قرار دیا جارہا ہے ۔ان کے اس فیصلے کے بعد ان پر کافی تنقیدیں بھی ہوئیں کہ وہ  اپنے عیش و آرام کیلئے پیسہ پانی کی طرح بہارہے ہیں۔