انہیں رشوت لینے کے دو الزامات میں مجرم پایا گیا اور ہر ایک کیس میں تین سال کی سزا سنائی گئی ہے جو ایک ساتھ پوری کی جائے گی

میانمار کے دارالحکومت نیپیداؤ کی ایک عدالت نے ملک کی معزول کردہ لیڈرآنگ سان سوچی کو رشوت لینے کے الزام میں ۳؍ سال قید کی سزا سنائی ہے۔نیوز پورٹل ایاروادی نے رپورٹ کیا کہ عدالت نے میانمار کی سیاستداں کے خلاف نیپیداؤ سینٹرل جیل کے علاقے میں منعقدہ ایک نجی سماعت میں فیصلہ سنایا، جہاں وہ پہلے سے اپنی سزا کاٹ رہی ہیں۔  انہیں رشوت لینے کے دو الزامات  میںمجرم پایا گیا اور ہر ایک کیس میں تین سال کی سزا سنائی گئی جو  ایک ساتھ پوری کی جائے۔ ان کے خلاف رشوت ستانی کے الزامات کا  تعلق ۱۹-۲۰۱۸ء  میں متعدد تاجروں کی جانب سےایک خیراتی فاؤنڈیشن میں مبینہ طور پر رقم کی منتقلی سے ہے۔ سوچی کو۱۹۹۱ء میں امن کا نوبیل انعام ملا تھا اور وہ فروری۲۰۲۱ء تک میانمار کی وزیر اعظم کے مساوی ریاستی کونسلر تھیں، جس کے بعد فوج نے ملک میں اقتدار پر قبضہ کر لیا۔  عوام نے سوچی کی حکومت کا تختہ الٹ دیا تھا اور انہیں اس وقت کے صدر ون مائنٹ کے ساتھ گھر میں نظر بند کر دیا گیا۔  بدھ کو سنائی گئی  سزا کے ساتھ  وہ کل۲۶؍ سال جیل میں گزاریں گی۔