کانگریس لیڈر جے رام رمیش نے اعلان کیا،یوم جمہوریہ پر تعطیل کے سبب ۲۷؍جنوری کو صبح ۸؍بجے یاترا پھر شروع ہوگی
EPAPER
Updated: January 26, 2023, 9:54 AM IST | jammu
کانگریس لیڈر جے رام رمیش نے اعلان کیا،یوم جمہوریہ پر تعطیل کے سبب ۲۷؍جنوری کو صبح ۸؍بجے یاترا پھر شروع ہوگی
کانگریس کی بھارت جوڑو یاترا کابدھ کو ۱۳۱؍واں دن تھا۔جموںکشمیر کے رام بن میں موسلادھار بارش کےسبب اس یاترا کوایک دن کیلئے روک دیا گیا۔زمین کھسکنےاور شدید بارش کے باعث کئی سڑکیں بند ہوگئیں۔ اس وجہ سے یاترا کا دوسرا مرحلہ منسوخ کردیاگیا۔ اس معاملے کی معلومات کانگریس جنرل سکریٹری جے رام رمیش نے ٹویٹ کر کے دی۔انہوں نے کہا کہ یوم جمہوریہ پر چھٹی ہوگی اور۲۷؍جنوری کو صبح ۸؍بجے سے یاترا دوبارہ شروع ہوگی۔کانگریس کے شیڈول کے مطابق ۲۵؍ جنوری کو یعنی بدھ کو صبح۸؍ بجے سے رام بن سے یاترا شروع ہوئی۔ پلان کے مطابق اسے کھوباغ کے علاقے میں رکناتھا لیکن اب اسے منسوخ کر دیا گیا ہے۔ یہ یاترا ۳۰؍جنوری کو جموںکشمیر کے دارالحکومت سری نگر پہنچ کرختم ہوگی۔
کانگریس نے یہ یاترا۷؍ستمبر کو شروع کی تھی۔ بھارت جوڑو یاترا تمل ناڈو کے کنیا کماری سے کیرالہ، آندھرا پردیش، کرناٹک، تلنگانہ، مہاراشٹر، مدھیہ پردیش، گجرات، راجستھان، یوپی، دہلی، ہریانہ اور پنجاب سے ہوتی ہوئی مرکزی زیر انتظام کشمیر تک پہنچی۔ راہل کا یہ سفر تقریباً۳؍ہزار ۵۷۰؍کلومیٹر کا ہے۔اس یاترا کے ذریعے کانگریس۳۷۲؍لوک سبھا سیٹوں پر توجہ مرکوز کر رہی ہے