ریاست کے ڈیزاسٹرمینجمنٹ ڈپارٹمنٹ کے مطابق یہاں کے۸؍ اضلاع سیلاب کی زد میں ہیں
EPAPER
Updated: August 03, 2020, 6:17 AM IST | Agency | New Delhi
ریاست کے ڈیزاسٹرمینجمنٹ ڈپارٹمنٹ کے مطابق یہاں کے۸؍ اضلاع سیلاب کی زد میں ہیں
ایشین ڈیولپمنٹ بینک کے مطابق ہندوستان میں قدرتی آفات میں سیلاب سب سے زیادہ تباہی کا باعث بنتا ہے۔ ملک میںکل قدرتی آفات سے ہونے والا صرف ۵۰؍ فیصد نقصان سیلاب کے سبب ہی ہوتا ہے۔ بہار کے ریاستی ڈیزاسٹرمینجمنٹ ڈپارٹمنٹ کے مطابق یہاں کے۸؍ اضلاع سیلاب کی زد میں ہیں اور لاکھوں افراد سیلاب سے متاثر ہوئے ہیں۔ ریاست کے فلڈ مینجمنٹ انفارمیشن سسٹم سینٹر کے مطابق شمالی بہار کا۷۳ء۶۳؍ فیصد سیلاب کا شکار ہے۔
ریاست کے۳۸؍ میں سے ۲۸؍ اضلاع ہر سال سیلاب کا شکارہوتے ہیں۔ مرکزی حکومت کی سیلاب کی صورتحال کی تازہ رپورٹ کے مطابق ملک بھر میں سیلاب کے سبب تقریباً ایک کروڑ افراد متاثر ہوئے ہیں۔ ان میں آسام میں تقریباً ۵۷؍لاکھ افرادسیلاب سے متاثر ہیں اور یہاں کے ۹۰؍ فیصد علاقوں سیلاب نے تباہی مچائی ہے۔ اسی طرح میں سیلاب کے سبببہار میں تقریباً ۴۰؍ لاکھ افراد متاثر ہوئے ہیں۔ رپورٹ کے مطابق اس وقت اترپردیش میں تقریبا ڈیڑھ لاکھ افراد سیلاب سے متاثر ہیں۔ رپورٹ کے مطابق اب تک ۴۵۰؍ سے زائد افراد سیلاب اور لینڈ سلائیڈنگ کی وجہ سے ہلاک ہوچکے ہیں۔ سب سے زیادہ اموات مغربی بنگال میں ہوئی ہیں۔ ایک طرف ملک کی کچھ ریاستوں کو سیلاب کا سامنا ہے ، جبکہ کچھ ایسی ریاستیں ہیں جہاں معمول کے مطابق بارش بھی نہیں ہوئی ہے۔ ایسی صورتحال میں اگر اگلے ۲؍ مہینوں میں وہاںبارش نہ ہوئی تو پانی کی قلت کے مسائل ہو سکتے ہیں۔