جلد ہی وزارت قانون کو سونپیں گے ، نیشنل جوڈیشیل انفراسٹرکچر کارپوریشن کی تشکیل کی ضرورت پر زور دیا ،انتظامی عملے کی کمی پر تشویش ظاہر کی

  ملک کے چیف جسٹس این وی رامنا نے ملک کی عدالتوں بنیادی ڈھانچے اور انتظامی عملہ کی کمی اور زیرالتوا معاملات میں اضافہ پر ایک بار پھر گہری تشویش ظاہر کرتے ہوئے نیشنل جوڈیشیل انفراسٹرکچر کارپوریشن (این جے آئی سی) کی تشکیل کی ضرورت ظاہر کی ہے۔ انہوں نے بتایا کہ وہ جلد ہی تمام عدالتوں کے لئے ضروری انفراسٹرکچر کی رپورٹ قانون اور انصاف کے وزیر کو سونپنے والے ہیں۔
 جسٹس رامنا نے بار کونسل آف انڈیا (بی سی آئی) کی طرف سے منعقدہ تقریب میں کہا کہ ملک کی عدالتیں برطانوی دور کی ہیں اور ان میں ضروری سہولیات کی کافی کمی ہے۔ انہوں نے کہاکہ ان عمارتوں میں نہ تو مدعی کے لئے جگہ ہے اور نہ ہی مدعا علیہان کے لئے، نہ وکلا کے لئے۔چیف جسٹس نے کہاکہ ان عدالتوں میں خواتین وکلاء تک کے لئے بنیادی سہولتیں نہیں ہیں۔چیف جسٹس نے کہاکہ ملک میں این جے آئی سی کی ضرورت ہے۔ انہوں نے مزید کہا کہ میں نے ملک کی تمام عدالتوں کے لئے ضروری بنیادی ڈھانچہ کے بارے میں ایک تفصیلی رپورٹ تیار کی ہے اور اسے جلد ہی قانون اور انصاف کے وزیر کے حوالے کروں گا۔
  جسٹس رمن نے عدلیہ میں خواتین کی حصہ داری نہ ہونے کے برابر پر بھی عدم اطمینان کا اظہار کیا اور کہا کہی گنتی کی خواتین کو اعلیٰ عدلیہ میں موقع ملتا ہے۔ بہت دقتوں کے بعد سپریم کورٹ میں محض ۱۱؍فیصد خواتین جج ہیں۔انہوں نے ہائی کورٹس میں بھی ججوں کے خالی عہدوں کو بھرنے کی ضرورت ظاہر کی اور کہا کہ   انصاف کا حصول آسان بنانے کیلئے انہوں نے اپنی رپورٹ میں کئی اہم سفارشات کی ہیںجس پر عمل در آمد ہو گا تو حالات بہتر ہوں گے۔