Inquilab Logo

غزہ: اسرائیل کی اقوام متحدہ کے ادارے ’’اونرا‘‘ پر بمباری، چار فلسطینی شہید

Updated: June 23, 2024, 8:26 PM IST | Cairo

اسرائیلی فوج نے غزہ میں اقوام متحدہ کے امدادی ادارے ’’اونرا‘‘ کے ایک اور مرکز کو نشانہ بنایا۔ ۶؍ زخمیوں کی حالت نازک بتائی جارہی ہے۔ اس سے قبل بھی اسرائیل اونرا کے مرکز پرحملہ کر چکا ہے۔

A wounded man is being carried outside UNRwA headquarters after an Israeli attack. Photo X.
اسرائیلی حملے کے بعد اونرا کے ہیڈ کوارٹر کے باہر ایک زخمی کو لے جایا جارہا ہے۔ تصویر: ایکس۔

عالمی خبر رساں ادارے کے مطابق اسرائیلی فوج نے غزہ میں اقوام متحدہ کے امدادی ادارے ’’اونرا‘‘ کے ایک اور مرکز کو نشانہ بنایا۔ اسرائیلی فوج کے حملے کے وقت وہاں درجنوں افراد موجود تھے۔ اقوام متحدہ کے ادارے اونرا کے ترجمان نے بتایا کہ اسرائیلی حملے میں متعدد افراد زخمی ہوگئے جنہیں اسپتال منتقل کردیا گیا۔ اسپتال میں دوران علاج ۴؍ افراد نے دم توڑ دیا جبکہ۶؍ زخمیوں کی حالت نازک ہے۔ تاہم، اونرا کے ترجمان نے اپنے بیان میں یہ نہیں بتایا کہ اسرائیلی حملے میں جاں بحق ہونے والے اونرا کے ملازمین تھے یا امداد لینے کیلئے جمع ہونے والے فلسطینی تھے۔ 
خیال رہے کہ اقوام متحدہ کی امدادی تنظیم اونرا کے مرکز پر یہ پہلا حملہ نہیں بلکہ اس سے قبل بھی اسرائیلی فوج نے امدادی سامان کیلئے جمع ہونے والے فلسطینی پناہ گزینوں کو نشانہ بنایا گیا تھا۔ ایسے دردناک واقعات میں شہید اور زخمی ہونے والوں کی تعداد۲؍ ہزار سے تجاوز کرگئی ہے اور عالمی لیڈران سمیت انسانی حقوق کی تنظیموں نے ان واقعات کی شدید مذمت کی تھی لیکن اسرائیل ہٹ دھرمی پر قائم ہے۔ بتا دیں کہ غزہ میں اسرائیلی فوج کی جارحیت کا سلسلہ بلا تعطل ۷؍ ماہ سے جاری ہے اور تازہ حملے میں مزید۴؍ فلسطینیوں کے شہادت سے ہلاکتوں کی مجموعی تعداد۳۷؍ ہزار۵۹۸؍ ہوگئی۔ 

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK