ریاست کے گورنر بھگت سنگھ کوشیاری کی جانب سے وزیر اعلیٰ ادھو ٹھاکرے کو لکھے گئے خط پر تنازع ختم ہونے کا نام نہیں لے رہا ہے
EPAPER
Updated: October 16, 2020, 8:52 AM IST | Agency | Mumbai
ریاست کے گورنر بھگت سنگھ کوشیاری کی جانب سے وزیر اعلیٰ ادھو ٹھاکرے کو لکھے گئے خط پر تنازع ختم ہونے کا نام نہیں لے رہا ہے
ریاست کے گورنر بھگت سنگھ کوشیاری کی جانب سے وزیر اعلیٰ ادھو ٹھاکرے کو لکھے گئے خط پر تنازع ختم ہونے کا نام نہیں لے رہا ہے۔ اس سلسلے میں برسراقتدار پارٹی شیو سینا نے اپنے ترجمان اخبار سامنا میں اداریہ لکھ کر گورنر پر شدید تنقید کی ہے اور وزیر اعظم مودی اور وزیر داخلہ امیت شاہ سے مطالبہ کیا ہے کہ راج بھون کا وقات بحال کرنے کے لئے گورنر کو فوراً واپس بلایا جائے۔ سامنا میں لکھا گیا ہے کہ ریاستی حکومت کو نشانہ بنانے کی بی جے پی کی تمام کوششیں اسی پر بھاری پڑ رہی ہیں۔ اب تک جب جب بی جے پی نے گورنر کو استعمال کرنے کی کوشش کی ہے اسے منہ کی کھانی پڑی ہے۔ اسی لئے ہمارا مطالبہ ہے کہ گورنر کو واپس بلایا جائے کیوں کہ ایک آئینی عہدہ پر فائز شخص کا اس طرح استعمال ہونا زیب نہیں دیتا۔ سامنا میں بی جے پی پر خاص طور پر تنقیدیں کی گئی ہیں اور کہا گیا ہے کہ اگر زعفرانی پارٹی کو مندر کھلوانے کی اتنی ہی فکر ہے اور جلدی ہے تو وہ اس معاملے پر ایک قومی پالیسی لائے جس کے تحت پورے ملک کے مندر ایک ساتھ کھولے جاسکیں۔ اب بھی ملک کے کئی بڑے مندر بند ہیں۔