اکتوبر کے ابتدائی ۷؍دنوں میں مشرقی ودربھ میں اس بیماری کے۲۱؍ نئے معاملے پائے گئے

 : ناگپور کے ساتھ مشرقی ودربھ میں ڈینگو کے اثرات وقفے وقفے سے ہونے والی بارش کی وجہ سے کم ہو رہے تھے لیکن  اکتوبر کے ابتدائی ۷؍دنوں میں  مشرقی ودربھ میں اس بیماری کے۲۱؍ نئے معاملے پائے گئے ہیں۔ چونکہ ان میں سے زیادہ تر( ۹) مریض ناگپور میونسپل کارپوریشن کے ہیں، اسی سبب محکمہ صحت یہاں دوبارہ ڈینگو پھیلنے سے پریشان ہے۔ مشرقی ودربھ میں۲۱؍ نئے پائے جانے والے مریضوں میں سے۹؍ناگپور سے،۴؍ بھنڈارہ سے۳؍ گوندیا سے،۳؍ چندر پور دیہی علاقے سے اور۲ ؍  چندر پور میونسپل کارپوریشن کے ہیں۔
 مشرقی ودربھ میںیکم  جنوری۲۰۲۲ء   سے۷؍ اکتوبرکے درمیان پائے جانے والے ڈینگو کے مریضوں کی تعداد۳۴۰؍ تک پہنچ گئی ہے۔  ستمبر کے آخر تک ان مریضوں میں کمی دیکھی گئی تھی۔ اس لیے جہاں محکمہ صحت کو کچھ راحت ملی  ہےوہیں اکتوبر میں مریضوں میں ایک بار پھر اضافہ ہونے سے پریشانیاں بڑھ گئی ہیں۔ 
  یکم جنوری سے۷؍ اکتوبر تک ناگپور شہر میں پائے جانے والے مریضوں کی تعداد۳۴۰؍ تک پہنچ گئی ہے ۔ گزشتہ کچھ دنوں میںڈینگو کے معاملات کی تفصیل اس طرح  ہے ۔ ناگپور دیہی(۲۸) ،وردھا(۱۵)،  بھنڈارہ(۱۴)، گوندیا (۱۰۷)، چندر پور دیہی(۴۱) ، چندر پور میونسپلٹی (۱۷)، گڈ چرولی (۶۱)۔  خاص بات یہ ہے کہ محکمہ صحت نے تمام چھ اضلاع میں اس بیماری سے ایک بھی موت درج نہیں کی۔