کیرالا کے وزیر اعلیٰ پنارائی وجیان نے جمعرات کو کورونا وائرس کے معاملات میں اضافے سے نمٹنے کے لئےریاست بھر میں ٨ سے ١٦ مئی تک کے لاک ڈاؤن کا اعلان کیاہے

کیرالا کے وزیر اعلیٰ پنارائی وجیان نے جمعرات کو کورونا وائرس کے معاملات میں اضافے سے نمٹنے کے لئےریاست بھر میں ٨ سے ١٦ مئی تک کے لاک ڈاؤن کا اعلان کیاہے- فی الحال ، رات کے ٩ بجے سے صبح٥ بجے تک نائٹ کرفیو نافذ ہے ، جس میں ویک اینڈ پر نیم لاک ڈاؤن نما پابندیاں عائد ہوتی ہیں۔ واضح ہو کہ بیشتر ریاستوں نے انفیکشن کی دوسری لہر سے لڑنے کے لئے جزوی طور پر لاک ڈاؤن جیسے اقدامات نافذ کئے ہیں۔ گزشتہ دن مرکز کے ایک اعلیٰ سائنسی مشیر نے کورونا وائرس کی "ناگزیر" تیسری لہر کے بارے میں متنبہ کیا تھا۔انہوں نے کہا تھا کہ اسپتالوں کو بھیڑ بھاڑ سے خالی رکھنے اور ہزاروں افراد کو ہلاک کرنے والے نئے تناؤ سے نمٹنے کے لئے ویکسین کو "اپ ڈیٹ" کرنے کی ضرورت ہوگی- 
ملک گیر لاک ڈاؤن کے سوال پر ، نیتی آیوگ کے ممبر اور ویکسین سے متعلق قومی گروپ کے سربراہ وی کے پال نے کہا کہ " اگر مزید کسی چیز کی ضرورت ہو تو ان اختیارات پر ہمیشہ تبادلہ خیال کیا جاسکتا ہے-" تشویشناک بات یہ ہے کہ ہندوستان میں کووڈ سے اب تک ۲؍ لاکھ سے زائد افراد موت کا شکار ہوچکے ہیں۔ گزشتہ ماہ قوم سے خطاب کے دوران وزیر اعظم نریندر مودی نے کورونا وائرس کی دوسری لہر کو طوفان سے تشبیہ دی تھی اور ریاستی حکومتوں پر زور دیا تھا کہ وہ لاک ڈاؤن کو بالکل آخری حربے کے طور پر استعمال کریں۔انہوں نے وائرس کو مات دینے کے لئے مائیکرو کنٹینمنٹ زون بنانے پر زور دیا۔کیرالا کے محکمہ صحت نے جمعرات کو کہا کہ ایک دن میں٤١ہزار سے زیادہ کیسز ریکارڈ کئے جارہے ہیں- وزیر اعلیٰ پنارائی وجیان نے منگل کوکہا تھا کہ ریاست میں بڑے پیمانے پر جانچ کے سبب کووڈ کے معاملات مزید بڑھ سکتے ہیں۔