یہاں واشی ریلوے اسٹیشن کے قریب سیکٹر ۳۰؍ اے میں واقع تجارتی عمارت میں اتوار کی دوپہر لگنے والی بھیانک آتشزدگی
EPAPER
Updated: April 13, 2021, 9:18 AM IST | New Mumbai
یہاں واشی ریلوے اسٹیشن کے قریب سیکٹر ۳۰؍ اے میں واقع تجارتی عمارت میں اتوار کی دوپہر لگنے والی بھیانک آتشزدگی
یہاں واشی ریلوے اسٹیشن کے قریب سیکٹر ۳۰؍ اے میں واقع تجارتی عمارت میں اتوار کی دوپہر لگنے والی بھیانک آتشزدگی میں ۸؍ویں ، ۱۲؍ویں اور ۱۵؍ ویں منزلے کابیشتر حصہ خاکستر ہوگیا ۔ اس حادثہ میں کوئی جانی نقصان نہیں ہوا ہے ۔ فائربریگیڈ آگ لگنے کی وجہ معلوم کرنے میں مصروف ہے۔ نوی ممبئی میونسپل کارپوریشن (این ایم ایم سی) کے ڈیزاسٹر مینجمنٹ ڈپارٹمنٹ کے مطابق آگ۸؍ ویں اور ۱۲؍ تا ۱۵؍ منزلے تک پھیل گئی تھی۔ نوی ممبئی فائر بریگیڈ کے ۲؍ فائر انجن، ۵؍ فائر ٹینکر، ایک براٹی گاڑی اور اسی طرح سڈکوفائر بریگیڈ کے ایک واٹر ٹینکر اور ایک براٹی گاڑی کی مدد سے مسلسل ۵؍ گھنٹے کی مشقت کے بعد شام ۷؍بجکر ۳۰؍ منٹ پرآگ پر قابوپایا گیا۔ اطلاع کے مطابق اس وقت تک آگ کافی پھیل گئی تھی اور اس نے مذکورہ تینوں منزلے کے ۵۰؍فیصد حصے کو نقصان پہنچایا۔چونکہ اتوار اور ہفتہ وار لاک ڈاؤن کی وجہ سے عمارت میں واقع تمام دفاتر بند تھے اس لئے کوئی جانی نقصان نہیں ہوا۔ اس بارے میں ایک فائر افسر نے بتایا کہ ’’آتشزدگی میں ایک بلڈر کاآفس ، اخبار کے چنددفاتر اور ایک کال سینٹر کو نقصان پہنچا ہے۔‘‘