ملک کے پکوان ہر ملک میں پسند کئے جاتے ہیں اورفوڈ انڈسٹری ملک کی ترقی میں اہمیت رکھتی ہے۔ بیرون ملک کے طرز پر ہندوستان میں بھی منگل کو کولینری کلچر جیسے پلیٹ فارم کی شروعات کی گئی ہے جس کے ذریعہ ملک کی فوڈ انڈسٹری میں ترقی آسکتی ہے۔

 نئی دہلی : ملک کے پکوان ہر ملک میں پسند کئے جاتے ہیں  اورفوڈ انڈسٹری ملک کی ترقی میں اہمیت رکھتی ہے۔ بیرون ملک    کے طرز پر ہندوستان میں بھی منگل کو کولینری کلچر جیسے پلیٹ فارم کی شروعات کی گئی ہے جس کے ذریعہ ملک کی فوڈ انڈسٹری میں ترقی آسکتی ہے۔ 
 ایوراسٹون گروپ نے ملک میں فوڈ انڈسٹری کی ترقی کیلئے کولینری کلچر پلیٹ فارم کا آغاز کیا ہے جس کے ذریعہ ملک کے بہترین ریستوراں کو ریٹنگ دی جائے گی۔ ملک میں اس کی شروعات ایوراسٹون گروپ کے سی ای او سمیر سین اور معروف صحافی  ویر سنگھوی نے مشترکہ طورپر کی ہے۔ بیرون ملک کولینری کلچر کے ذریعہ ہی کسی بھی ریستوراں کو آرڈر ملتے ہیں اور اس پہل سے ہندوستان کے بھی ریستوراں کو غیرممالک سے آرڈر ملنے کی امید ہے۔ 
 ایوراسٹون کے سی ای او سمیر سین نے بتایا ’’ہم ہندوستانی فوڈ انڈسٹری کو پوری دنیا کے سامنے پیش کرنا چاہتے ہیں اور اسی مقصد کے تحت ہم نے اس مہم کا آغاز کیاہے۔ہم نے دنیا کے بہترین  افراد کو مقرر کیا ہے۔ وہ ریستوراں کو ریٹ کرکے انہیں  پوری دنیا کے سامنے پیش کریں گے۔ ‘‘ انہوں نے بتایا کہ ریستوراں کی ریٹنگ یورپ اور مغربی ممالک میں عام ہے لیکن ہندوستان میں اسے عام کرنے کی ضرورت ہے۔