راج بھو ن پہنچنے کیلئے پو لیس سے زور آزمائی ۔پٹنہ یو نیورسٹی کی طلبہ یونین کے صدر اور جن ادھیکار طلبہ یونین کے جنرل سیکریٹری گرفتار

بہار کے دارالحکومت  پٹنہ میں پپو یادو کی جن ادھیکار پارٹی کے نوجوان کارکنوں نے  زرعی قوانین کیخلاف مارچ نکالا ۔ اس دوران راج بھون پہنچنے کی کوشش میں پہلے  پولیس اور مظاہرین  میں نو ک جھونک ہوئی  پھر تلخی کلامی   اورتصادم  ہوا ۔    پولیس نے انہیں روکنے کیلئے طاقت کا بھر پو ر استعمال کیا لیکن طلبہ باز نہیں آئے ، وہ پولیس کی رکاوٹوں کو ہٹا کر آگے بڑھنے کی کوشش کرتے رہے  ۔ مارچ میں پٹنہ یونیورسٹی کے طلبہ یونین صدر منیش یادو پیش پیش  ر ہے۔ ان کے ساتھ بڑی تعداد میں موجود طلبہ حکومت مخالف نعرے لگاتے رہے   ۔  ان کا کہنا  تھا کہ حکومت کالے قوانین کو ختم کر ے ۔ اس دوران مظاہرین کے روکنے  کے عمل کو پارٹی کارکنوں نے آمریت اور جمہوریت مخالف قرار دیا ۔ جن ادھیکار پارٹی نے اپنے فیس بک پیج پر اس  مارچ کی مختلف تصویریں اس تبصرے کے ساتھ پوسٹ کیں:’’کسان مخالف کالے قوانین کیخلاف راج بھون مارچ کے دوران پٹنہ یونیورسٹی کی طلبہ یونین کے صدر منیش یادو اور جن ادھیکار طلبہ یو نین کے جنرل سیکریٹری  روشن شرما کو پو لیس نے گرفتار کیا ہے ۔’ جن ادھیکار پارٹی پریوار‘سر کار کے ان آمرانہ رویوں سےڈرنے والا نہیں ہے۔ ہم کسانوں کےحقوق کیلئے آگے بھی لڑائی جاری رکھیں گے۔ ‘‘