آل انڈیا سنی جمعیۃ العلماء کی جانب سے نکلنے والے جلوس غوثیہ کے تعلق سے ایک وفد نے اعلیٰ پولیس افسران سے ملاقات کی

 آل انڈیا سنی جمعیۃ العلماء کی جانب سے نکلنے والے جلوس غوثیہ کے تعلق سے ایک وفد نے اعلیٰ پولیس  افسران سے ملاقات کی۔ وفد میں مولانا‌ سید معین الدین اشرف عرف معین میاں ، محمد سعید نوری ،  مولانا فرید  الزماں (سیکریٹری آل انڈیا سنی جمعیۃ العلماء) ، مولانا اعجاز کشمیری (خطیب وامام ہانڈی والی مسجد) ، مولانا خلیل الرحمٰن نوری  اور حافظ شاداب رضا شامل تھے جبکہ گفتگو کے دوران  اعلیٰ پولیس افسران سنیل کولہے  (ایڈیشنل کمشنرایس بی ون ) وشواس ناگرے  پاٹل (ایڈیشنل پولیس کمشنر لاء اینڈ آرڈر کمشنر )، گیانیشور چوہان (ایڈیشنل کمشنر سینٹرل ریجن ) اور  دیگر افسران موجود تھے۔واضح رہےکہ مختلف وفود کی پولیس افسران سے یہ چوتھی ملاقات تھی۔
 شرکاء وفد نے کہاکہ جلوس غوثیہ کی قدیم روایت ہے اس لئے اجازت دی جائے۔ حکومت کی گائیڈ لائن کا‌ پورا پورا خیال رکھا جائے گا۔اس پر پولیس افسران نے کہا کہ حالات کی مناسبت سے  آپ لوگ صرف دو گھوڑا گاڑی کے ذریعے ہی جلوس غوثیہ کا اہتمام کریں ، دوران جلوس سماجی فاصلے کا خیال رکھیں اور دیگر ہدایات بھی پیش نظر رکھیں۔جتنا ممکن ہو احتیاط کے ساتھ جلوس نکالیں تاکہ کورونا وائرس پر قابو پانے میں مدد ملے اور ایک دوسرے کا تعاون بھی حاصل ہو۔