وزیراعظم نے اس کے خاتمے کیلئے نوجوانوں کو آگے آنے کی نصیحت کی
EPAPER
Updated: January 13, 2021, 10:01 AM IST | Agency | New Delhi
وزیراعظم نے اس کے خاتمے کیلئے نوجوانوں کو آگے آنے کی نصیحت کی
وزیر اعظم نریندر مودی نے خاندانی سیاست کو جمہوریت کا ’’سب سے بڑا دشمن‘‘ قرار دیتے ہوئے اس کے خاتمے کیلئے نوجوانوں سے آگے آنے کی اپیل کی ہے۔اس کے ساتھ ہی انہوں نے کہا ہے کہ جو لوگ اپنے خاندانی نام کی بنیاد پر الیکشن جتا کرتے تھے اب ان کی قسمت ماند پڑنے لگی ہے۔
سوامی ویویکانند کی۱۵۸؍ ویں سالگرہ کے موقع پر پارلیمنٹ کے سینٹرل ہال میں منعقدہ ۲؍روزہ نیشنل یوتھ پارلیمنٹ کی اختتامی تقریب سے خطاب میں وزیراعظم نے زور دیا کہ ملک کو نئی نسل کو قیادت سوپنے کیلئے تیار ہونے کی ضرورت ہے ۔ وزیر اعظم نے کہا ’’ پہلے ملک میں یہ تاثر تھا کہ اگر کوئی نوجوان سیاست کی طرف رخ کرتا ہے ، تو گھر والے کہتے تھے کہ بچہ بگڑ رہا ہے ، کیونکہ سیاست کا مطلب ہی بن گیا تھا جھگڑا، فساد ، لوٹ کھسوٹ ، بدعنوانی ۔ لوگ کہتے تھے کہ سب کچھ بدل سکتا ہے لیکن سیاست نہیں بدل سکتی۔‘‘ اب حالات کے بدل جانے کا حوالہ دیتے ہوئے وزیراعظم نے نوجوانوں کو سیاست میں آنے کی ترغیب دلائی اور کہا ہے کہ جب تک وہ سیاست میں نہیں آئیں گے تب تک ’’خاندانی سیاست کا زہر‘‘ جمہوریت کو کمزور کرتا رہےگا۔