تھانے میںایک طالبہ کےساتھ آٹو رکشا کی دست درازی اور اسے رکشا سے گھسیٹتےہوئےلےجانے والی واردات کےبعد تھانے کےنگراں وزیر شمبھوراج دیسائی نے یقین دلایا کہ اسکول، کالج اور ٹیوشن کلاسس کے طلبہ کے تحفظ کیلئے پولیس کا گشت بڑھایاجائے گا تاکہ اس کی طرح کی واردات آئندہ نہ ہو۔شمبھو راج( جو کہ محکمہ ایکسائز کے وزیر بھی ہیں) نے سنیچر کو تھانے ضلع کا دورہ کیا
تھانے میںایک طالبہ کےساتھ آٹو رکشا کی دست درازی اور اسے رکشا سے گھسیٹتےہوئےلےجانے والی واردات کےبعد تھانے کےنگراں وزیر شمبھوراج دیسائی نے یقین دلایا کہ اسکول، کالج اور ٹیوشن کلاسس کے طلبہ کے تحفظ کیلئے پولیس کا گشت بڑھایاجائے گا تاکہ اس کی طرح کی واردات آئندہ نہ ہو۔شمبھو راج( جو کہ محکمہ ایکسائز کے وزیر بھی ہیں) نے سنیچر کو تھانے ضلع کا دورہ کیا۔اس دوران جب ان سے طلبہ کے تحفظ کے تعلق سے استفسارکیا گیا تو انہوںنے نمائندۂ انقلاب کے سوال کے جواب میں کہا کہ ’’ایسے کالج ، اسکول اور پرائیویٹ ٹیوشن کلاسس جہاں زیادہ تعداد میں طلبہ آتے ہیں ان کی نشاندہی کی جائےگی اور اس کے بعد بیٹ مارشل کےذریعے وہاں پیٹرولنگ بڑھائی جائے گی ۔ اس کے علاوہ سادے لباس میںبھی پولیس اہلکاروں کو گشت پر مامور کیاجائے گا۔‘‘انہوںنےمزید کہا کہ ہماری لڑکیوںاور خواتین سے درخواست ہے کہ وہ اس طرح کےحالات میں ہیلپ لائن۱۱۲؍پررابطہ کریں۔ انہیں فوری مدد مہیاکرائی جائے گی۔‘‘شمبھو راج دیسائی نے دعویٰ کیا کہ مذکورہ ہیلپ لائن پر رابطہ کرنے پر تھانے پولیس کی جانب سے محض ساڑھے ۴؍ منٹ پولیس اہلکار متاثرہ کے پاس پہنچ جاتا ہے ۔ ایسا کرنے میں تھانے شہر کی پولیس ریاست میں اول مقام پر ہے۔‘‘پولیس اسٹاف کی کمی کے تعلق سے کئے گئے سوال کے جواب میں تھانے کے نگراں وزیر نے کہا کہ’’ وزیر اعلیٰ نے ۱۵؍ ہزار پولیس بھرتی کرنے کا اعلان کیاہے جس کے تحت تھانے میں بھی پولیس کی قلت کو دور کیاجائے گا۔‘‘