کسانوں یونینوں نے ضروری اشیاءمختلف شہروں تک اور کوئلہ پاور پلانٹ تک پہنچنے دینے کیلئے یہ قدم اٹھایا ہے
EPAPER
Updated: November 08, 2020, 7:51 AM IST | Agency | Chandigarh
کسانوں یونینوں نے ضروری اشیاءمختلف شہروں تک اور کوئلہ پاور پلانٹ تک پہنچنے دینے کیلئے یہ قدم اٹھایا ہے
پنجاب میں کسان یونینوں کے ذریعے سبھی ریلوے لائنوں کو خالی کردینے کے بعد اب وہ مال گاڑیوں کی بلا روک ٹوک آمد و رفت کے لئے پوری طرح تیار ہے۔ یاد رہے کہ ریاست میں یکم اکتوبر سے جاری کسان تحریک کے سبب ریلوے لائن پر دھرنا دیا گیا تھا، جس کے سبب مسافر ٹرینیں اور مال گاڑیاں نہ چلنے سے کوئلے اور ضروری اشیا کی کمی ہوگئی اور کوئلے کا ذخیرہ ختم ہونے سے بجلی کا بحران پیدا ہوگیا نیز سبھی بجلی پلانٹ بند ہوگئے۔ سب سے زیادہ مسافروں کو پریشانی کا سامنا کرنا پڑ رہا ہے اور صنعتوں کو زبردست نقصان اٹھانا پڑ رہا ہے۔ ان حالات کو دیکھتے ہوئے کسانوں نے پنجاب کے ۲۱؍ اہم روٹس کے ٹریکوں کو خالی کردیا ہے تاکہ مال گاڑیاں ہموار طریقے سے چل سکیں۔
داخلی محکمہ کے ترجمان نے اس بارے میںیہاں بتایا کہ ریلوے کے وزیر کو یقین دہانی کرانے کے بعد ریاستی حکومت نے کسانوں کو سمجھا بجھاکر کر ٹریک خالی کرالئے ہیں۔ اب پنجاب میں سبھی ریلوے ٹریک اس وقت پوری طرح خالی کردیئے گئے ہیں۔ امرتسر ضلع میں جنڈیالا میں ایک ریلوے پلیٹ فارم پر کسان یونین کے کارکن موجود ہیں جس کے لئے آئی جی بارڈر رینج اور ایس ایس پی امرتسر اس وقت کسان سنگھرش کمیٹی کے افسران کے ساتھ ریلوے پلیٹ فارم خالی کرانے کے لئے کوشش کررہے ہیں۔واضح رہے کہ کسان یونینوں نے ٹریک سے تو دھرنا ختم کیا ہے لیکن وہ ریلوے اسٹیشن پر دھرنا دینے کے لئے بضد ہیں۔