دہلی اسمبلی الیکشن میں  بی جے پی کی شرمناک شکست سےاس کی اتحادی پارٹیاں بھی فکرمند ہوگئی ہیں۔ این ڈی اے کی رکن لوک جن شکتی پارٹی کے لیڈر اور مرکزی وزیر رام ولاس پاسوان نے کہا ہے کہ بہاراسمبلی الیکشن کے دوران زبان پر قابو رکھا جانا چاہئے۔

   نئی دہلی : دہلی اسمبلی الیکشن میں  بی جےپی کی شرمناک شکست  سےاس کی اتحادی  پارٹیاں بھی فکرمند ہوگئی ہیں۔  این ڈی اے کی رکن  لوک جن شکتی پارٹی کے لیڈر اور مرکزی وزیر رام ولاس پاسوان نے کہا ہے کہ بہاراسمبلی الیکشن کے دوران زبان پر قابو رکھا جانا چاہئے۔
   بہار میں اسی سال کے اواخر میں اسمبلی الیکشن ہونے ہیں۔  یہاں بی جےپی کی دونوں اتحادی پارٹیاں ایل جے پی اور جے ڈی یو مسلم ووٹوں کی بھی دعویدار رہتی ہیں۔ دہلی  کی انتخابی مہم کے دوران جس طرح کی زہر افشانی ہوئی ہے  اس کی وجہ سے بی جے پی  کے ساتھ ہی ساتھ اس کی اتحادی پارٹیوں کو بھی نقصان اٹھانا پڑسکتا ہے۔  رام ولاس پاسوان کے مطابق ’’بہار اسمبلی الیکشن علاقائی ترقی کے موضوعات پر لڑا جائے گا۔‘‘ دلچسپ بات یہ ہے کہ بی جےپی اسمبلی الیکشن تو دور کی بات ہے کہ میونسپل اور بلدیاتی انتخابات میں بھی قومی موضوعات اور پاکستان کا ذکرچھیڑے بغیر اپنی انتخابی مہم مکمل نہیں کر پاتی۔