مکیش امبانی کی ریلائنس انڈسٹریز لمیٹیڈ (آر آئی ایل) امریکہ کی بریک تھرو انرجی وینچرس لمیٹیڈ (بی ای وی) میں تقریباً ۵۰؍ ملین امریکی ڈالر( تقریباً ۳۷۲؍ کروڑ روپے) کی سرمایہ کاری کرے گی۔
EPAPER
Updated: November 14, 2020, 12:20 PM IST | Agency | Mumbai
مکیش امبانی کی ریلائنس انڈسٹریز لمیٹیڈ (آر آئی ایل) امریکہ کی بریک تھرو انرجی وینچرس لمیٹیڈ (بی ای وی) میں تقریباً ۵۰؍ ملین امریکی ڈالر( تقریباً ۳۷۲؍ کروڑ روپے) کی سرمایہ کاری کرے گی۔
مکیش امبانی کی ریلائنس انڈسٹریز لمیٹیڈ (آر آئی ایل) امریکہ کی بریک تھرو انرجی وینچرس لمیٹیڈ (بی ای وی) میں تقریباً ۵۰؍ ملین امریکی ڈالر( تقریباً ۳۷۲؍ کروڑ روپے) کی سرمایہ کاری کرے گی۔ واضح رہے کہ مائیکرو سافٹ کے بانی بل گیٹس اس امریکی کمپنی کے نگراں ہیں۔بی ای وی کلیمنٹ بحران کے حل کے لئے فنڈز اکٹھا کررہا ہے۔ یہ فنڈ صاف توانائی کے حل کی تائید کے لئے استعمال ہوگا۔
آر آئی ایل نے کہا ہے کہ اس سرمایہ کاری سے متعلق دونوں کمپنیوں کے مابین ایک معاہدہ طے پایا ہے۔ ریگولیٹری فائلنگ کے مطابق آر آئی ایل نے بریک تھرو انرجی میں تقریباً۵ء بلین ڈالر کی سرمایہ کاری کرنے کا وعدہ کیا ہے جو۵۰؍ ملین سرمایہ کاری کا ایک حصہ ہے۔ باقی سرمایہ کاری اگلے۸؍ سے ۱۰؍ سالوں میں قسطوں میں کی جائے گی۔ ذرائع کے مطابق اس لین دین کو مکمل کرنے کے لئے آر بی آئی کی منظوری ضروری ہے کیونکہ یہ سرمایہ کاری تجارتی لین دین سے متعلق نہیں ہے۔ اور نہ ہی اس میں آر آئی ایل کے پروموٹر اور گروپ کمپنیوں کی کوئی دلچسپی ہے۔ بتایا گیا ہے کہ مکیش امبانی ایک طویل عرصے سے صاف ستھرا توانائی کے ذرائع کی وکالت کررہے ہیں اس لئے اس سمت میں یہ سرمایہ کاری جارہی ہے۔کلین انرجی سلوشن کیلئے ہندوستان بھی پُرعزم ہے۔ امبانی کے اقدام سے اسے مزید تحریک ملی ہے۔