فی الحال شہر میں کورونا کا ایک بھی مریض نہیں ہے، مرکز مسجد کے صدر دروازے کے سامنےمسلمانوں نے شہادہ بلدیہ انتظامیہ،پولیس انتظامیہ، تحصیلدار دفتر کے افسران اور ملازمین پر پھول برسائے۔

شہادہ شہر میں کورونا سےمتاثر سبھی مریض صحت یاب ہوکر اپنے اپنے گھروں کو لوٹ گئے ہیں ۔فی الحال شہر میں ایک بھی کورونا سے متاثر مریض نہیں ہے۔شہادہ شہر کوکورونا وباء سے فی الحال نجات مل گئی ہے۔ یہ کام انتظامیہ کی انتھک کوششوں سے ہی ممکن ہو سکا ہے۔تاہم منگل کو مرکز مسجد کے صدر دروازے کے سامنے قاضی چوک پرمسلمانوں نے شہادہ بلدیہ انتظامیہ،پولیس انتظامیہ، تحصیلدار دفتر کے افسران اور ملازمین پر پھول برسا کر خیر مقدم و استقبال کیا۔ معلوم ہوکہ شہادہ کےغریب نواز نگر کالونی میں ۵؍اور باغبان گلی میں ۴؍کورونا پازیٹیو مریض ملے تھے۔جن میں سے ایک مریض کورونا سے فوت ہوا ہے۔بقیہ سبھی مریض صحت یاب ہوکر اپنے اپنے گھروں کو لوٹ گئے ہیں ۔ انتظامیہ کی شب و روز کی جدوجہد اور شہریوں کے انتظامیہ کو مکمل تعاون کی بدولت ہی یہ کام ممکن ہوسکا ہے۔بلدیہ انتظامیہ کےڈاکٹر افسران، ملازمین، پولیس انتظامیہ کی عوام کیلئے فکر مندی سے کورونا شہر میں مزید پھیلنے سے بچ گیا ہے۔شہر کو کورونا سے نجات دلانے والے منسلک محکموں کے ملازمین کی رات دن کی جدوجہد اور ان کی حوصلہ افزائی کیلئے شہادہ شہر کے مسلمانوں نے قاضی چوک میں سبھی افسران و ملازمین کا پھول برسا کا خیر مقدم و استقبال کیا ہے۔