وزیراعظم سے متعلق دستاویزی فلم کے حوالے سے کرن رجیجو کی تنقید

مرکزی وزیر قانون کرن رجیجو نے وزیر اعظم مودی پر بی بی سی کی دستاویزی فلم کےحوالے سے بیان دیا ہے۔ رجیجو نے کہا کہ ملک میںکچھ لوگ بی بی سی کو سپریم کورٹ آف انڈیا سے اوپرسمجھتےہیں۔ وہ اپنی اخلاقی اقدار کو خوش کرنے کے لیےملک کے وقار اور امیج کو کسی بھی حد تک گرانے کیلئےتیار ہیں۔یہ بات انہوں نے اتوار کو ٹوئٹر پر کہی۔
 انہوں نےکہا کہ ملک میں اقلیت یا ہر برادری مثبت انداز میں آگے بڑھ رہی ہے۔ ان چیزوں سے ہندوستان کے اندر یا باہر چلائی جانے والی بدنیتی پر مبنی مہمات سے ہندوستان کی شبیہ کبھی خراب نہیں ہو سکتی۔وزیر اعظم کی آواز۱ء۴؍بلین ہندوستانیوں کی آواز ہے۔
 ہندوستان میںکچھ لوگ ابھی تک نوآبادیاتی (بیرونی)نشےسے باہرنہیں آئے ہیں۔ وہ بی بی سی کو سپریم کورٹ آف انڈیاسےبالاتر سمجھتے ہیں۔ ویسے بھی ان ٹکڑے ٹکڑے گینگ کے ممبران سےکسی بہتر کام کی امید نہ رکھیں۔ جن کا مقصد صرف ہندوستان کو کمزور کرنا ہے۔
 اس سےقبل ریسرچ اینڈ اینالائسس ونگ (را) کےسابق چیف سنجیو ترپاٹھی نےکہا تھا کہ وزیر اعظم مودی پربنائی گئی دستاویزی فلم حقائق کی جانبدارانہ اور من گھڑت غلطیوں سے بھری ہوئی ہے۔ سب کو اس دستاویزی فلم کی مذمت کرنی چاہیے۔انہوںنےدستاویزی فلم کے  پیچھے بی بی سی کی نیت پرسوال اٹھایا۔