بھگدڑ کے دوران سیمنٹ کی ریلنگ ٹوٹ گئی اور کئی لوگ نہر میں گر گئے،چندرابابو اور ان کے بیٹے کا اظہار تعزیت
EPAPER
Updated: December 30, 2022, 10:30 AM IST | Hyderabad
بھگدڑ کے دوران سیمنٹ کی ریلنگ ٹوٹ گئی اور کئی لوگ نہر میں گر گئے،چندرابابو اور ان کے بیٹے کا اظہار تعزیت
آندھرا پردیش کے نیلور ضلع میں چندرابابو نائیڈو کے روڈ شو میںبدھ کو بھگدڑ مچ گئی۔ جس میں ایک خاتون سمیت ۸؍ افراد جاں بحق ہوگئے جبکہ۱۰؍افراد زخمی ہیں۔یہ واقعہ اس وقت پیش آیا جب بدھ کی شام کو نائیڈو کی تیلگو دیشم پارٹی کا روڈشو کنڈوکورمیں ہو رہا تھا۔ اس دوران بھگدڑ مچ گئی۔ تمام زخمیوں کامقامی اسپتال میں علاج جاری ہے۔بتایا جا رہا ہے کہ روڈ شو کے دوران نائیڈو کی ایک جھلک دیکھنے کے لیے بھیڑ جمع ہو گئی۔ بھگدڑ کے دوران سیمنٹ کی ریلنگ ٹوٹ گئی اور کئی لوگ نہر میں گر گئے۔
حادثے کے بعدچندرابابو نائیڈو اور ان کے بیٹے نارالوکیش نے اظہار تعزیت کیا۔نارا لوکیش نے ایک ٹویٹ میں لکھا ’’ٹی ڈی پی کارکنوں کی موت پارٹی کیلئے ایک بڑا نقصان ہے۔ ان کے اہل خانہ سے میری تعزیت۔زخمیوں کے بہتر علاج کے انتظامات کئےگئےہیں۔‘‘انہوں نے مزید کہا ’’میں ان کی صحت یابی کے لیے دعا گو ہوں۔ تلگو دیشم پارٹی متوفیوںکےاہل خانہ کو ہر طرح کی مدد فراہم کرے گی۔انہیں۱۰؍لاکھ روپے کی مالی امداد اور ان کے بچوں کو مفت تعلیم دی جائے گی۔گزشتہ کچھ دنوں سے، نائیڈو ریاست میں وائی ایس آر سی پی حکومت کی مخالفت کیلئے مہم چلا رہے ہیں۔ جنوری میں،نائیڈو کے بیٹے نارا لوکیش ریاست کے نوجوانوں کی حمایت حاصل کرنے کیلئے ۴؍ ہزارکلومیٹر کی پدیاترا پر نکالیں گے۔