ان ایپس کو سیکوریٹی کیلئے خطرہ قرار دیا ،ان میں سے ۵۹؍ پر پہلے ہی پابندی لگ چکی ہے ہندوستانی آرمی نے اپنے تمام جوانوں کو فیس بک ، انسٹاگرام ، ٹنڈر ، ٹک ٹاک اور دیگر سوشل میڈیا ایپس سمیت ۸۹؍ ایپس کو ڈیلیٹ کرنے کا حکم دیا ہے۔آرمی نے ملک کی سیکوریٹی  اورفوجی آپریشنز کی سیکوریٹی کا حوالہ دے کر اپنے ۱۱؍ لاکھ سے زائد جوانوں اور افسران کو حکم دیا ہے کہ ان ۸۹؍ ایپس کو اپنے اپنے موبائل فونز سے نکال دیں۔ آرمی کے مطابق جن ۸۹؍ ایپس کا حوالہ دیا گیا ہے ان میں سے ۵۹؍ ایپس کو حکومت ہند پہلے ہی بند کرچکی ہے۔

 ہندوستانی آرمی نے اپنے تمام جوانوں کو فیس بک ، انسٹاگرام ، ٹنڈر ، ٹک ٹاک اور دیگر سوشل میڈیا ایپس سمیت ۸۹؍ ایپس کو ڈیلیٹ کرنے کا حکم دیا ہے۔آرمی نے ملک کی سیکوریٹی  اورفوجی آپریشنز کی سیکوریٹی کا حوالہ دے کر اپنے ۱۱؍ لاکھ سے زائد جوانوں اور افسران کو حکم دیا ہے کہ ان ۸۹؍ ایپس کو اپنے اپنے موبائل فونز سے نکال دیں۔ آرمی کے مطابق جن ۸۹؍ ایپس کا حوالہ دیا گیا ہے ان میں سے ۵۹؍ ایپس کو حکومت ہند پہلے ہی بند کرچکی ہے۔ واضح رہے کہ ان ایپس میں مشہور سوشل میڈیا نیٹ ورکنگ ویب سائٹ فیس بک ، انسٹاگرام ،ٹنڈر ، ویڈیو کالنگ ایپس ایمو ،وائبر ، ہیلو اوردیگر ایپس ہیں جبکہ کالر آئی ڈی ایپ ٹروکالر بھی اسی میں شامل ہے۔ انڈین آرمی کے بیشتر جوان انہیں استعمال کرتے ہیں لیکن اب سبھی کے لئے یہ حکم جاری کردیا گیا ہے۔ 
 اس سلسلے میں سویڈن کی کمپنی ٹرو کالر نے انڈین آرمی کے اس فیصلہ پر ناراضگی ظاہر کی ہے اور کہا ہے کہ ہماری کمپنی آرمی کے فیصلہ کا احترام کرتی ہے لیکن ہم کہیں پر بھی کسی  قانون کی خلاف ورزی نہیں کرتے ہیں۔