Inquilab Logo

امریکہ میں ٹاک ٹاک کمپنی سے لین دین پر پابندی عائد

Updated: August 07, 2020, 10:20 AM IST | Agency | Washington

امریکی صدر ڈونلڈ ٹرمپ نے ایک ایگزیکٹو آرڈر پر دستخط کرکے  چین کی متنازعہ موبائل ایپ ٹک ٹاک کمپنی بائٹ ڈانس سے لین دین پر پابندی عائد کرنے کا  اعلان کیا ہے۔ یہ پابندی ایگزیکٹو آرڈر پر دستخط کرنے کے 45 دن بعد نافذ العمل ہوگی۔  ٹرمپ نے جمعرات کی  دیر رات اس   ایگزیکٹو آرڈر پر دستخط کیے ہیں۔ اس ایگزیکٹو آرڈر کے مطابق امریکہ میں چین کی بائٹ ڈانس کمپنی اور اس سے منسلک  دیگر  کمپنیوں کے ساتھ کسی بھی قسم کے لین دین پر پابندی عائد  کردی گئی ہے۔

Tiktok - Pic : INN
ٹک ٹاک ۔ تصویر : آئی این این

امریکی صدر ڈونلڈ ٹرمپ نے ایک ایگزیکٹو آرڈر پر دستخط کرکے  چین کی متنازعہ موبائل ایپ ٹک ٹاک کمپنی بائٹ ڈانس سے لین دین پر پابندی عائد کرنے کا  اعلان کیا ہے۔ یہ پابندی ایگزیکٹو آرڈر پر دستخط کرنے کے 45 دن بعد نافذ العمل ہوگی۔
 ٹرمپ نے جمعرات کی  دیر رات اس   ایگزیکٹو آرڈر پر دستخط کیے ہیں۔
اس ایگزیکٹو آرڈر کے مطابق امریکہ میں چین کی بائٹ ڈانس کمپنی اور اس سے منسلک  دیگر  کمپنیوں کے ساتھ کسی بھی قسم کے لین دین پر پابندی عائد  کردی گئی ہے۔ امریکہ میں  اب کوئی بھی شخص یا کمپنی بائٹ ڈانس کے ساتھ کوئی لین دین نہیں کرپائے گی۔
ایگزیکٹو آرڈر کے مطابق چین کے موبائل ایپ کے   امریکہ میں  پھیلاؤ سے ملک کی قومی سلامتی ، خارجہ پالیسی اور معیشت کو خطرہ  لاحق ہوتا ہے اس لئے ایسے موبائل ایپ  خاص طور پر ٹک ٹاک پر کارروائی کرنا ضروری ہے۔ یہ ایگزیکٹو آرڈر دستخط ہونے کے 45 دن بعد   نافذالعمل ہوگا۔
چینی کمپنی بائٹ ڈانس کے اس  ایپ پر لاکھوں امریکی شہریوں کی نجی معلومات چوری کرنے کا الزام ہے جس کی تحقیقات ٹرمپ انتظامیہ کررہی ہے۔
اہم بات یہ ہے کہ امریکی بحریہ نے نجی حفاظتی وجوہات  کا حوالہ دیتے ہوئے  گذشتہ سال اپنے ملازمین سے   تمام سرکاری آلات سے اس ایپ کو  ہٹانے کی درخواست کی تھی۔
 ٹک ٹاک نے  ان الزامات کی تردید کرتے ہوئے پہلے کئی مرتبہ کہا ہے  کہ وہ  صارفین کی معلومات چین  نہیں بھیجتا ہے۔ ٹِک ٹاک ایک سوشل میڈیا ایپ ہے جس پر صارفین کی معلومات چوری کرنے  کا  الزام ہے۔

متعلقہ خبریں

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK