مانچسٹر یونائٹیڈ اور ایسٹن ولا کا مقابلہ ۲۔۲؍گول سے ڈرا۔ فلپ کوٹنہو نے ولا کی جانب سے شروعات کی
EPAPER
Updated: January 17, 2022, 2:04 PM IST | Agency | London
مانچسٹر یونائٹیڈ اور ایسٹن ولا کا مقابلہ ۲۔۲؍گول سے ڈرا۔ فلپ کوٹنہو نے ولا کی جانب سے شروعات کی
انگلش پریمیر لیگ (ای پی ایل )میں ایسٹن ولا اور مانچسٹر یونائٹیڈ کے درمیان میچ۲۔۲؍ گول سے ڈراپر ختم ہوا۔ اس میچ میں ایسٹن ولا کی جانب سے شروعات کرنے والے برازیل سے تعلق رکھنے والے کھلاڑی فلپ کوٹنہو نے اہم گول کیا۔ سنیچر اور اتوار کی درمیانی شب ہونے والے میچ میں مانچسٹر یونائٹیڈ کوایسٹن ولا کے گول کیپر کی غلطی کے باعث چھٹے منٹ میں ہی برتری مل گئی تھی جبکہ میچ کے۶۷؍ویں منٹ میں یونائٹیڈ کی جانب سے ایک اور گول ہوا۔ یونائٹیڈ کی جانب سے دونوں گول برونو فرنانڈیس نے کئے۔ تاہم اس کے بعدایسٹن ولا نے بھرپور حملے کئے اور صرف ۴؍ منٹ میں ۲؍ گول کرکے اسکور ۲۔۲؍گول کردیا۔ جیکب رامسے نے ایسٹن کیلئے پہلا گول ۷۷؍ویںمنٹ میں کیا۔ اس کے بعد فلپ کوٹنہو نے ۸۱؍ویں منٹ میں اہم گول کر کے ٹیم کو ۲؍پوائنٹس کے نقصان سے بچا لیا۔ دونوں فٹبال کلبوں کو ایک ایک پوائنٹ ملا۔