کوالیفائر میں ہندوستان نے بنگلہ دیش کو صفر۔۲؍ سے ہرادیا۔ چھیتری کے ۲؍گول
EPAPER
Updated: June 09, 2021, 2:24 PM IST | Agency | New Delhi
کوالیفائر میں ہندوستان نے بنگلہ دیش کو صفر۔۲؍ سے ہرادیا۔ چھیتری کے ۲؍گول
فیفا عالمی کپ ۲۰۲۲ء اور ایشیا کپ۲۰۲۳ء کے مشترکہ کوالیفائر میں پیر کی رات سنیل چھتیری کے شاندار ۲؍ گول کی بدولت ہندوستان نے بنگلہ دیش کوصفر۔۲؍ سے شکست دے کر ٹورنامنٹ میں پہلی کامیابی حاصل کی۔ سنیل چھیتری نے میچ کے۷۹؍ ویں اور۹۲؍ ویں منٹ میں گول کیا۔ اس کی بدولت چھیتری نے بین الاقوامی گولز کی تعداد۱۱۷؍ میچوں میں۷۴؍ تک پہنچا دی ہے۔
انٹرنیشنل گول کے معاملے میں چھیتری دسویں مقام پر پہنچ گئے ہیں جبکہ میسی۱۲؍ ویں نمبر پر ہیں۔ انہوں نے۱۴۳؍ میچوں میں۷۲؍ گول کئے ہیں۔ ایران کے سابق کھلاڑی علی داعی ۱۴۹؍میچوں میں۱۰۹؍گولزکے ساتھ سرفہرست ہیں۔کرسٹیانو رونالڈو۱۷۴؍ میچوں میں ۱۰۳؍ گول کے ساتھ دوسرے نمبر پر ہیں۔ چھیتری نے کہا کہ میں گول کرتے وقت گنتا نہیں ہوں ۔ جب میں۱۰؍ سال کےاندر ریٹائرمنٹ لے لوں گا تو اس کے بارے میں ضرورت بات کروں گا۔