کولکاتا کے خلاف ۵۰؍ رن بنانے کے بعد نم آنکھوں سے آسمان کی طرف دیکھتے ہوئے کنگز الیون پنجاب کے مندیپ سنگھ نے اپنے والد کو یاد کیا۔ میچ کے بعد انہوں نے کہا کہ یہ ایک بہت ہی خاص اننگز ہے۔

کولکاتا کے خلاف ۵۰؍ رن بنانے کے بعد نم آنکھوں سے آسمان کی طرف دیکھتے ہوئے کنگز الیون پنجاب کے مندیپ سنگھ نے اپنے والد کو یاد کیا۔ میچ کے بعد انہوں نے کہا کہ یہ ایک بہت ہی خاص اننگز ہے۔ پیرکی رات کنگز الیون پنجاب نے انڈین پریمیر لیگ (آئی پی ایل) کے۱۳؍ ویں سیزن میں کولکاتا نائٹ رائیڈرس کو ۸؍ وکٹوں سے شکست دے دی۔ کولکاتا نائٹ رائیڈرس نے پہلے بیٹنگ کرتے ہوئے پنجاب کے سامنے ۱۵۰؍ رن کا ہدف دیا۔ اوپنرس مندیپ سنگھ اور کرس گیل کی نصف سنچریوں کی بدولت پنجاب کی  کامیابی حاصل کی۔ مندیپ سنگھ۶۶؍ رن بنانے کے بعد ناٹ آؤٹ رہے۔ ۳؍ دن قبل اپنے والد کو کھونے والے مندیپ سنگھ نے اس اننگز کو اپنے والد کے لئے وقف کردیا ۔ انہوں نے کہا کہ والد ہمیشہ چاہتے تھے کہ وہ `ناٹ آؤٹ رہیں۔ کولکاتا کے خلاف ۵۰؍رن بنانے کے بعد نم  آنکھوں سے آسمان کی طرف دیکھتے ہوئے مندیپ نے اپنے والد کو یاد کیا۔ میچ کے بعد انہوں نے کہا کہ یہ ایک بہت ہی خاص اننگز ہے۔ میرے والد ہمیشہ کہتے تھے کہ مجھے ناٹ آؤٹ رہنا چاہئے۔ یہ اننگز ان کے لئے ہے۔ اگر میں سنچری یا ڈبل ​​سنچری بھی بنالیتا تو وہ پوچھتے کہ میں کیوں آؤٹ ہوا۔ مندیپ نے اپنی ناقابل شکست اننگز میں ۸؍ چوکے اور ۲؍ چھکے لگائے۔