انگلینڈ اور آسٹریلیا کے کھلاڑی والی انڈین پریمیر لیگ (آئی پی ایل) فرنچائزیز کے لئے ایک اچھی خبر ہے کہ لیگ میں حصہ لینے والے انگلینڈ اور آسٹریلیا کے ۲۱؍کھلاڑیوں کو صرف ۳۶؍گھنٹوں کے لئے قرنطین میں رکھا جائے گا۔
EPAPER
Updated: September 20, 2020, 12:31 PM IST | Agency | Dubai
انگلینڈ اور آسٹریلیا کے کھلاڑی والی انڈین پریمیر لیگ (آئی پی ایل) فرنچائزیز کے لئے ایک اچھی خبر ہے کہ لیگ میں حصہ لینے والے انگلینڈ اور آسٹریلیا کے ۲۱؍کھلاڑیوں کو صرف ۳۶؍گھنٹوں کے لئے قرنطین میں رکھا جائے گا۔
انگلینڈ اور آسٹریلیا کے کھلاڑی والی انڈین پریمیر لیگ (آئی پی ایل) فرنچائزیز کے لئے ایک اچھی خبر ہے کہ لیگ میں حصہ لینے والے انگلینڈ اور آسٹریلیا کے ۲۱؍کھلاڑیوں کو صرف ۳۶؍گھنٹوں کے لئے قرنطین میں رکھا جائے گا۔
واضح رہے کہ انگلینڈ اور آسٹریلیا کے یہ تمام کھلاڑی جمعرات کی شام دیر سے برطانیہ سے چارٹرڈ فلائٹ کے ذریعے متحدہ عرب امارات پہنچے تھے ۔ انہیں صرف ۳۶؍ گھنٹوں کے لئے قرنطین میں رکھا جائے گا۔ ایسی صورتحال میں یہ تمام کھلاڑی پہلے میچ سے ہی دستیاب ہوں گے۔ دونوں ٹیموں کے درمیان ۳؍ ون ڈے میچوں کی سیریز بدھ کو ختم ہوگئی۔
پہلے ان کھلاڑیوں کو۶؍ دن تک قرنطین میں رہنا تھا۔ اس دوران سب کو پہلے ، تیسرے اور چھٹے دن کورونا ٹیسٹ کرانا تھا ۔ ساتویں دن تمام جانچ کے منفی آنے کے بعد ہی کھلاڑیوں کو بایو سیکیور ماحول میں داخلہ ملنا تھا۔ لیکن اب ایک جانچ کی منفی رپورٹ پر یہ تمام کھلاڑی اپنی اپنی ٹیموں کے بایو سیکیور ببل میں داخل ہوسکیں گے۔کولکاتانائٹ رائیڈرس کے ۳؍ کھلاڑی ایون مورگن ، ٹام بینٹن اور پیٹ کمنس ٹیسٹ کے بعد ابو ظہبی جائیں گے کیونکہ کے کے آر اور ممبئی نے اس شہر کو اپنا بیس بنایا ہے۔ باقی ۶؍ ٹیموں کا دبئی بیس ہے۔
اس سے قبل فرنچائزیز نے اپیل کی تھی کہ وہ قرنطین میں برطانیہ سے آنے والے کھلاڑیوں کو ریلیف دیں۔ آئی پی ایل کے ایک سینئر عہدیدار نے بتایا کہ قرنطین کا مسئلہ حل ہوگیا ہے۔ سب سے زیادہ ٹیموں کے بڑے کھلاڑی پہلے میچ سے دستیاب ہوں گے کیوں کہ یہ تمام کھلاڑی بائیو سکیور ببل سے یہاں آئے ہیں۔غیر ملکی کھلاڑیوں کے لئے قرنطین میں نرمی کے بعد راجستھان رائلز ٹیم کا مسئلہ کافی حد تک کم ہو گیا ہے۔ ٹیم کے کپتان سمیت ۳؍ بڑے کھلاڑی انگلینڈ آسٹریلیا سے ہیں۔ خیال رہے کہ راجستھان کے کپتان آسٹریلیائی اسٹیو اسمتھ ہیں۔ ان کے علاوہ انگلینڈ کے وکٹ کیپر بلے باز جوس بٹلر اور فاسٹ بولر جوفرا آرچر بھی ٹیم کے ممبر ہیں۔