پریمیر بیڈمنٹن لیگ (پی بی ایل) کے پانچویں ایڈیشن میں جمعہ کو دنیا کی ۲؍شاندار کھلاڑیوں پی وی سندھو اور تائے یو ینگ کے درمیان مقابلہ ہوگا۔
EPAPER
Updated: January 31, 2020, 12:31 PM IST | Agency | New Delhi
پریمیر بیڈمنٹن لیگ (پی بی ایل) کے پانچویں ایڈیشن میں جمعہ کو دنیا کی ۲؍شاندار کھلاڑیوں پی وی سندھو اور تائے یو ینگ کے درمیان مقابلہ ہوگا۔
نئی دہلی : پریمیر بیڈمنٹن لیگ (پی بی ایل) کے پانچویں ایڈیشن میں جمعہ کو دنیا کی ۲؍شاندار کھلاڑیوں پی وی سندھو اور تائے یو ینگ کے درمیان مقابلہ ہوگا۔حیدر آباد کے جی ایم سی بال یوگی اسٹیٹس انڈرور اسٹیڈیم میں حیدر آباد ہنٹرس اور بنگلور رپچرس کے بیچ ہونے والے اس مقابلے میں پی وی سندھوجہاں حیدرآباد ہنٹرس ٹیم کی قیادت کریںگی وہیں تائے یو ینگ بنگلور ٹیم کی نمائندگی کریںگی۔
بنگلور رپچرس اس ایڈیشن میںپہلی فتح حاصل کرنے کی کوشش کرےگی جبکہ ہنٹرس گھر میں دوسری کامیابی حاصل کرنے کی کوشش کرے گی۔تائے ینگ اور سندھو گزشتہ سال ورلڈ ٹور میں ایک دوسرے سے مقابلہ کر چکی ہیں۔لیگ کے پانچویں ایڈیشن کی نیلامی ہونے کے بعد سے ہی دونوں کھلاڑیوں کے درمیان ہونے والے مقابلے کے تعلق سے شائقین میں زبردست جوش دیکھا جا رہا ہے۔ ویسے دونوں ہی کھلاڑیوں نے اس مقابلہ کو سخت قرار دیا۔
پی وی سندھ دنیا کی نمبر ۲؍کھلاڑی تائے ینگ کو گزشتہ سال عالمی چمپئن شپ میں شکست دے چکی ہیں۔یاد رہے کہ ینگ کو شکست دے کر سندھو نے طلائی تمغہ حاصل کیا تھا۔سندھو اس بات سے اچھی طرح واقف ہیں کہ چینی تائپے کی ینگ پی بی ایل میں انہیں سخت ٹکر دیںگی۔سندھو نے کہا کہ تائے کے خلاف کھیلنا ہمیشہ ہی شاندار تجربہ ہوتا ہے۔ان کے خلاف مقابلہ آسان نہیں ہوگا ۔ذرا سی غلطی میچ میں شکست کا سبب بن سکتی ہے۔حالانکہ گھریلو شائقین کے سامنے کھیلنے کا مجھے فائدہ ملے گا لیکن مقابلہ سخت ہی ہوگا۔
دوسری جانب جمعہ کو ہونے والے اس مقابلے کے تعلق سے تائے ینگ نے کہا کہ جمعہ کو ہونے والا مقابلہ کافی شاندار ہونے کی امید ہے۔یہ پی بی ایل مقابلہ ہے اور ہمیں اپنی ٹیم کے کھلاڑیوں کے ساتھ کام کرنا ہوتا ہے۔مجھے امید ہے کہ میں فتح حاصل کر لوںگی۔ حالانکہ یہ اتنا آسان نہیں ہوگا۔